即食麵怎樣煮才好吃？

我以往亦有與閣下一樣的疑問，結果我找到一則知識，令我眼界大開，至今仍有收藏。
我將於下面引用該些煮法。
歡迎各位與原創者vivien_sin20912（HA00134705）分享相關知識。

出前一丁煮法

1.想食入哂味既話:
滾好適量既水, 然後落麵, 等的麵散開哂之後, 再落麻油,味粉
然後撩佢幾下熄火,蓋好個煲等5分鐘左右,搞掂

2.想食香口既話:
滾好適量既水, 然後落麵, 等的麵散開哂之後, 用筷子夾上碟
個煲的水倒哂佢, 然後用回個煲加少少油, 燒兩燒之後將的麵
倒返落去, 然後個煲輕輕離開火面, 同時用木筷子勁撩的麵,唔好俾佢痴底, 炒幾炒之後,落3/4包味粉,再勁撩, 撩到的色澤平均的，然後上碟再加麻油, 搞掂...(記住唔好用穫黎炒,難食好多)

3.想食爽口既話:
先放一大煲凍水，用另一個煲滾好適量既水, 然後落麵, 等的麵散開哂之後, 用最短既時間倒左的熱水去,再將的麵倒落果大煲凍水果度, 再開大水喉勁沖的麵等的麵凍左,然後要即刻隔哂的水去, 唔好用水沉住的麵(成個過程動作要快..), 然後用個細煲,放適量水, 落味粉，較好味之後水滾熄火將的湯倒落的麵果度, 加麻油..又搞掂...

4. 芝士撈麵
用另一個煲滾好適量既水, 然後落麵, 等的麵散開哂之後,用最短既時間倒左的熱水去, 然後將的麵上碟.跟住煲滾的新水, 用個大湯殼, 放適量既卡夫芝士落去個湯殼果度
隔水將o的芝士煮溶, 溶左之後即時淋上麵面, 食得...

5.勁懶煮法
滾好適量既水, 然後落麵落粉落麻油, 蓋好個煲然後由得佢煲,聞到 公仔麵既香味之後,就可以熄火落碗....

6.青椒洋蔥雞肉炒公仔麵
　
材料：
青椒１個
洋蔥１個
雞柳６條
公仔麵１包

醃料：
醬油２茶匙
粟粉１茶匙
糖１茶匙
古月粉少許
麻油少許
調味：
雞粉兩茶匙

做法：
1. 雞肉切條(或絲)以醬油、粟粉、糖、麻油、古月粉醃半小時；
2. 公仔麵煲至八成熟，過冷河，隔水備用；
3. 青椒洋蔥切絲, 下油鑊炒至八成熟, 雞粉調味, 撈起;
4. 雞條炒至八成熟, 青椒洋蔥回鑊, 下公仔麵同炒至麵餅散開;
5. 再加少許雞粉調味即成。


7.炒公仔麵 Fried doll noodle

材料:
公仔麵1個
火腿2片(切條)
芽菜 適量

調味料:
蠔油 1湯匙
生抽 1茶匙
老抽 1茶匙
鹽,糖各半茶匙
水 1湯匙

做法:
1.公仔麵下滾水,撩鬆,立刻撈起,格乾水分,避免麵條過稔.

2.用少許油起鑊,下火腿絲芽菜炒片刻.

3.再下公仔麵同炒.

4.下調味料,炒至乾身即成.

我己经吃了35年的即食麵，健康還是很不錯的,沒有患上流傳的絕症.從60年代末的真正好味的原裝日本行貨，台灣行貨‧東南亞行貨到90年代的美味韓國辛字牌辣味麵.也吃過大陸康師傅,甚至北歐出廠的也吃過ｏ目前的至愛是韓國三陽牌的牛肉麵和辣香菇味麵,以及辛字麵ｏ够大包120gm,沒有臘味‧湯美又價廉,妙哉.
煮吃時
第一是先煮400cc的滾水
2.取大碗
3.把麵放入碗中
4.加配料
5.加料.這是最關重要,令即食麵好食不好食的一環，我的优先選擇是把預先切片好的燒腩肉,適量放入在麵週圍的滚水中浸着，然後放入微波爐裡‧用1000瓦叮2.5分鐘取出
6.添加上好蔴油,炸油葱,蒜頭,胡辣粉,葱粒,熟豬油,上桌
你可以加很多配料上碗如鱼丸,牛丸,菜心,九菜.生菜.但是步驟不能錯,2.5分鐘否則麵就不像意粉audante了
我肚子也餓了ｏ

2006-12-26 09:03:17 補充：
寫這麼多只能賺你五分‧投緣,值！