銀行匯款問題

為左防範洗黑錢, 銀監會規定所有銀行只可以替在該銀行開有戶口的客戶做匯款. 你無銀行户口, 銀行係唔會幫你做匯款的 (無論海外或香港). 如果你想匯款到外國, 我建議你俾錢俾有戶口的朋友幫你做匯款, 又或者俾錢俾有戶口的朋友幫你買張"國際匯票" (International Money Order)寄俾收款人, 又或者幫襯d國際匯款/找換店, 例如:西聯匯款Western Union. 如果你想匯款到中國大陸, 街上好多本地找換店都可以做到.只需帶備現金同身分證, 匯款申請書d職員會幫你填.
如果匯去香港户口, 咁你不如攞現金入落佢戶口. 又快又簡單. 但記住保管好張入數紙!!!

香港匯香港的確不如直接入帳, 有入錢機的. 但如果係匯出, 可以試試去香港郵政, 無論係票匯定係用西聯匯款, 都係收現金... 我唔覺眼佢話一定要夠十八歲先肯同你做order, 亦無話過一定要有銀行戶口先做order.

有銀行帳戶, 用電匯同票匯都可行, 費用貴到... 票匯平D囉, 但風險又高D...

要帶身份證/護照, 住址証明, 塡寫匯款申請書, 現金連手續費交付櫃檯, 銀碼超過5萬可能不會辦理, 匯款外國彧中國.
香港本地唔駛匯款, 係中環十分鐘路程內, 實搵到一間你要入錢俾人的銀行, 手續費唔收(存入大量現金另議). 如果你是香港人的話, 想匯款去外國彧本地其他銀行, 無銀行户口好唔方便.

如果你係無銀行户口, 而你匯去香港户口ge話,好簡單只要帶$到銀行counter入數(如戶口係渣打就去渣打入), 唔洗收手續費.
如匯款通常係指外國或中國