✔ 最佳答案
頭髮多少係天生既,基本上,如果頭髮幼,加上髮線生得較後,睇起上黎頭髮就會少,如果本身頭髮生長又唔旺盛(毛嚢較疏),咁睇上黎就更加稀疏.
甩頭髮同倒立當然無關係啦.其實,人有新陳代謝,甩頭髮係好正常既現象,科學家話,人每日甩50~100條頭髮都係好正常既(只要唔係成束成束咁甩,都唔算係有問題).
你得15歲,照計唔會出現過早脫髮既情況(不過真係有D人係會響二十幾歲開始出現脫髮現象,到三十幾歲就禿頭架啦).
你唔使太擔心既,你可以做既,係好好護理你既頭髮.
首先係保持頭部既清潔啦,要勤洗頭,以免油脂積響頭皮上,阻塞毛孔,造成脫髮及新頭髮生長受阻,而且洗頭有按摩作用,增加血液循要,可快頭髮既生長.
要用一D o岩自己髮質既洗頭水啦,如果覺得用緊o個隻唔係好o岩,咁就換第隻試下啦.
唔好貪懶,用D二合一既洗頭水,護髮素只適合搽響頭髮上,而唔係頭皮上,如果用二合一洗頭水,護髮成份好容易會殘留響頭皮上,阻塞毛孔.
唔好咁多電髮染髮,會傷害到頭皮.乾淨D,自然D,頭髮就會健康D.
中醫食療方面,可以食何首烏.