請問ITEC國際美容考試實習同筆試係咪好難

我覺得唔係好難，只要你平時有做足準備就唔難架啦，我係樊德禮度讀我覺得佢個MOCK仲難個ITEC好多好多 !!!

其實筆試都係溫熟D就得 !! 睇你想拎咩成績 !!

實習試既時侯 : 最緊要唔好四圍望，尤其做按摩同洗面既時候一定要眼定定望住MODEL唔可以周圍望，會扣分架，動作唔可以太快亦唔可以太慢!!
要同MODEL有溝通，例如行開行埋要講聲，而家幫你做緊D咩要講，要同MODEL有眼神交流，長時間保持微笑，一定要做到好關心個MODEL，做完每個STEP記住幫MODEL拉番好張"被" !!

其實可以係考之前一兩日幫MODEL做定D 手腳
例如: 修一修番D指甲，唔好修到完美，都要留番D考試時修架嘛，即係唔好到時MODEL黎到，一隻指甲長一隻斷既，到時就好麻煩，要慢慢磨都幾係野~
脫毛亦都係，考之前幫model修一修d毛先，比如如果d 毛太長，可以幫佢cut短d先，如果考果時先知太長要剪，又要拎紙巾鋪好，又要擺個好姿勢，又要慢慢小小心心咁剪，到時真係會唔夠時間脫架，諗定你要落蠟既位置，分幾多次脫，幫model 拔成d 邊位既毛仔，因為脫完果個位好乾淨就會突出左 脫既位置隔離d毛仔，到時比考官以為脫唔乾淨就唔好啦!!!
以上既野都唔好做得太誇張，唔好比人知你做過手腳 !
記住考試前一兩個鐘番去set定d野 !!

最重要最重要既，就係要你model合作 d，去定厠所，唔好到時浪費你時間，到埋就算整到佢痛都叫佢千其唔好出聲，之後請番佢食飯補數啦，所以最好搵個熟d既朋友去，同埋叫model千其千其唔好訓著，我考果時就係個model訓著左，我幫佢染緊睫毛，我check過好靚好滿意先鋪棉化，佢係我鋪完棉化之後醒左張開眼，但我又唔知，之後考官黎到打開，我就真係oh my god，但好彩個官知度係因為model既問題，所以個model合作真係好重要!!

PS. 祝你考到好成績，定D就冇問題架喇 !!! 加油加油

我本人覺得唔難,實習試只要做返平時上堂既野就ok,考官唔會話有咩特別要求
考個日要整齊,頭髮gel到一條都唔跌就最好
同考官講野最好比d微笑,千其唔好驚
坐個陣身要直,腳要貼地
千其唔好周圍傾計(除左同自己model細細聲講之外)
仲有唔好比個考官覺得你好似虐待個model咁
e.g脫毛,叫你個model幾痛都好千其唔好喊...
其實只要你尊重個考試又冇咩做錯就好易PASS

至於筆試就要睇學校比唔比貼士你...我讀個間就有
因為筆試出既問題就算有溫書都未必識做曬

你讀邊間美容學校呀...
小妹想讀d美容課程呀..
有無好介紹呀