平安夜佢都唔約我...

如果係岩岩開始,照道理個男仔應該會好緊張,佢應該好早就約左你.但而家佢竟然無約你,加上照你所講,佢每次見你都只係索油兼只係想到性方面的話,咁我估佢其實唔係鍾意你,可能只係見你鍾意佢,佢咪貪個便宜睇可唔可以氹到你上床.咁既男仔,仲要黎做咩?搵個第二個啦,仲有記得要錫住自己,唔好益佢添呀!!

2006-12-23 22:13:00 補充：
我會估佢唔係鍾意你,如果連你的朋友都覺得佢只係想同你做的話,你可以試下用依樣野黎試佢係咪鍾意你.如果佢想要但你堅持唔比,記住一定要堅持到底,無論佢鬧你話你老套都唔好比佢攪點你,甚至佢講到唔比佢即係唔愛佢依d說話,你咪講如果佢一定要你比即係唔尊重你,唔尊重即係唔鐘意,睇佢可以有咩反應!!!久而久之如果佢唔鐘意你而又發覺氹唔到你上床既話,佢一定閃.但如果佢係鐘意你既話就一定會同你繼續落去兼懂得去尊重你唔再叫你同佢上床.我地只可以提供意見,要點做都要你自己去決定,好好諗下啦.

咁咪即係代表佢唔止你一條女囉!!!
你試下約下佢,睇佢有乜反應~~
平安夜一係陪家人.伴侶,朋友啫**

佢想氹你上床咋，搵過第二個la!!

算把啦...次次見親都hi油... 仲想做埋...既男人...要黎都無用...除非您係潘金蓮托世啦.....

佢擺明唔中意你啦, 你自己約朋友出去玩好過啦, 唔好吃虧呀, 佢正衰人!!!

如果你真系好中意佢既話~
最好繼續中意佢~
但佢又吾系咁so你既話~
咁你就要多d主動去陪佢喇~
令到佢對你既印象深刻多d~
祝你好運喇~^0^

2006-12-23 21:38:48 補充：
勇氣 自信 大膽系最重要既!!祝marry x'mas and happy new year~

既然你真係鐘意佢，咁就唔應該咁快下定論啦！

你想知佢點解平安夜都唔約妳出街，唯一方法，就係妳約佢出街先，唔好等到佢開口。之後就問佢點解唔約你。

因為你都識講啦，妳地先岩岩開始，大家都未太了解對方，你又唔知佢諗咩，佢又唔知應唔應該約妳好，咁就係因為溝通唔夠囉。妳嘗試多做主動，唔好太被動。女仔，係就係要有矜持，但係太被動可能會令人反感架。

你真係鐘意佢ge話，就千其唔好放棄佢，一定要將佢個心歸妳所有。如果你知道佢為人，再決定點處理呢段感情都未遲啦！

所以多d主動去約人啦！祝妳心想事成，聖誕快樂啦~朋友！