查詢 大阪 --京都 -- 大阪 8日行程

市面有好多書買架，你可以買京版名有樂修訂第７版，hkd89.00，有好多資料架！
係大板架日子可以去universal studio,可以玩一日！
梅田，心齋橋，難波可以分兩日玩，大板城都幾靚証得去架，若果想浸溫泉可以去新世界大溫泉，係室內架，都ｏｋ好玩（有得著swimming suit的）！夜晚可以坐心齋橋架激安之殿堂坐個巨型摩天輪，睇大板夜景係好靚架，同埋元貝，辣豆果ｄ係激安之殿堂下面個食品部搵到，但係貨品數量唔多！
京都可以去清水寺，八坂神社，佢地架寺廟係好宏偉架(esp. 清水寺），可以去祇園．．．白川果ｄ係好日本feel架
至於掃平貨係去日本必做架，而且一月係日本架大減價月，可能你會發現到好多半價貨品，仲有我去日本必做架係去fancl house, agnes b.,到買野，fancl house可以係日本果邊入會，佢地會俾張membership card你，咁第二三四次野就會平ｄ，因為佢地用架係儲分制，agnes b.平均會係香港架７or 8折左右！
而去大板必食架係難波蟹道樂，個價錢係貴少少，但係係香港係一定冇得食佢地果ｄ野架，仲有可以試下難波金龍拉麵，我覺得ok，但我朋友就話麻麻地！仲有就係comfort hotel下面間壽司店，個價錢中價，野食ok!　其實日本好多街頭野食，可以去到邊食到邊，一日三餐一定唔會有問題！
另一樣我去日本必去架地方係周街都見到架藥房，日本人會將ｄ靚架貨品留返係日本俾自己國人自用，較次架貨先會出國，好似"V樂敦眼藥水"係本過香港１０蚊左右，而且quality係比香港好架，另外有時候藥房有discount時，skin care架物品可能係比香港平左之外再有七折，而且佢地ｄ藥房係好大有兩三層樓高架，入到去應該一定有野買得到！
有一樣要提架係，記住見到ｄ得意架打火機，唔好買咁多，基於航空安全理由，每人只可帶一個火機上機自用，而不可以寄艙，同埋日本便利店有得賣果ｄoxygen，若果買左都一定要係日本用哂先好走，因為係唔可以上機架！
仲有可以同朋友去影貼紙相（多數ｄ夾公仔店都有），平過香港一半，而且ｄ機會新過香港好多！
TIPS:記住千祈唔好帶個咁細架"o急"去，最好帶多兩三個超大架袋去放戰利品（個袋仲要有幾大得幾大），因為上個月我地四個人去四"o急"......但係１１大袋加箱返香港！
若果你第一次去，若果淨係買野你預計帶hkd15000左右啦，最好帶埋credit card 以備不時之需......因為你係香港話唔買唔買，過到去你就會捨得咩野都買架啦，因為日本唔係成日都會去丫嘛！
祝你旅途愉快！

首先, 要解決搭車問題. 要睇下你起大阪住起邊度. 找出個地址, 到 http://yahoo.co.jp/r/mp 搵返個 location, 留意左手邊有個 list, list out 晒最近的車站. 再去 http://yahoo.co.jp/r/ts, 輸入出發譯同埋目的譯就得. 大阪個機場站叫 關西空港譯. 一般可以乘 JR 到天王寺, 難波(近心齋橋); 如果你住起心齋橋, 我建設乘南海特急 (個站係紅色 banner, 寫住 Nankai, 藍色個架).

我當日個行程連車費比你參加下 :-

Day 1 (check in, 去展望台睇夜景, 梅田 shopping)
關西空港--> Hotel (南海線空港急行 關西空港 --> 難波¥890)
Hotel --> 梅田空中庭園展望台 (心斎橋 --> 本町 --> 梅田¥230, 料金 ¥700)
梅田-->Hotel (梅田 --> 本町 --> 心斎橋 ¥230)

Day 2 (大阪城, 去市中心, 去日本日本橋買玩具)
Hotel -->大阪城 (心斎橋 --> 大阪ビジネスパーク ¥230)
大阪城 --> 中央區 (大阪ビジネスパーク --> 森ノ宮 --> 堺筋本町¥230)
中央區 -->日本橋 (堺筋本町 --> 恵美須町 Day ¥200)

Day 3
心齋橋 shopping

Day 4 (去京都, 即日來回)
Hotel --> 新大阪 (心斎橋 --> 新大阪¥230)
新大阪 --> JR 京都(JR新幹線のぞみ¥1,380)
買 Bus Day Pass料金¥500
JR 京都 --> 金閣寺bus 101號, 料金¥400
金閣寺 --> 銀閣寺 + 哲學之道bus 102號, 料金¥500
銀閣寺 + 哲學之道 --> 清水寺bus 100號, 料金¥300
清水寺-->JR 京都bus 100號
JR 京都-->新大阪 (JR新幹線ひかり ¥1,380)
新大阪 -->心斎橋 ¥230

Day 5
Hotel -->關西空港 (南海線空港急行 難波 --> 關西空港¥890)

要留意的係京都Bus Day Pass 係唔可以去嵐山嵯峨野, 用 pass 係要加錢先得.

你可以加多一日去神戶, 起大阪站出發, 乘阪神電, 半個鐘就到. 喜歡 shopping 就去三宮, 喜歡睇野就去北野異人, 最後去Mosaic睇夜景 + dinner...........perfect!!!!

日本旅行參考書可以介紹一下d店舖, 搵路乘車就要夠上邊兩個網頁.