(急) 請問舖地磚及裝廚櫃大約要多少錢?

我可以畀個中肯啲嘅價錢你參考，雖然我係開裝修公司，但我冇興趣在知識＋好似其他高人般在這裡找生意．只係想幫吓人．
正常價，新鋪自來地台地磚連工料要＄２，０００一井，當然有貴有平，則樓收＄３，０００一井，皆因他們有專人貼身服待你，又成日要出圖，同你傾計等．所以要收較貴．如果你係住公屋，好多都收＄１，８００　一井，並不是師傅見有錢人就開貴啲，其實師傅個心態都係想賺份人工，不過我好老實話畀你聽，一分錢一分貨，師傅收你＄１，８００　一井，其實同收你＄２，０００　一井或　＄３，０００　一井的手勢都係唔同，唔好以為人收少你，其實都是將貨就價．你要平，師傅未做快啲囉，做得快咪自然粗啲囉．師傅收你幾多錢一井，其實佢嘅每日人工都是一樣．由於本人甚怕同人爭執，所以唔夠價就一定唔做，因為公司要有信譽口碑一定要保持質素，將貨就價唔係我地公司的宗旨．廢事為賺小小錢同人拗！
你說有三百呎，即是三井，正常＄６，０００，鬥平就價最低可以＄５，０００
至於廚櫃，要睇吓係大陸造定香港造，如果香港造，合理價錢要至少＄６５０　一呎（打平手，已無乜錢賺），因為夾板由年初＄１５５一件啞白六分漲至而家＄２００一件，如果平過＄６５０根本就是白做或者有其他木工賺番拉番條數．至於大陸櫃，價錢大概是＄４５０－＄５５０一呎，但好肯定話畀你聽，兩者質素及用料肯定有出入．不可以香港造同大陸造作比較，根本就係唔同級數的貨．大陸櫃啲料唔係香港用果啲，裝櫃手工同裝傢俬沒有甚麼分別，大陸櫃最大的優點是平．要平就一定要找大陸櫃，至於其他優點，一一欠奉！如果再平啲，一定有後著！市面有啲公司標＄２８０一呎，我做廚櫃造了十二年共售了超過１７００套廚櫃，無嘢可以握到我！我都有十萬個疑問，麫包平過麫粉？
圖片參考：http://hk.yimg.com/i/icon/16/6.gif

YOKI WONG
圖片參考：http://hk.yimg.com/i/icon/16/5.gif

現在最新價錢約2萬左右, 包8-10呎櫃. 因為要視乎用什麼物料板, 及廚櫃高度, 款式設計組合. 建議可參考 - http://www.topkitchenltd.com 廚房裝修公司, 他們是專業訂造廚櫃, 地址在港灣仔駱克道271號揭陽大廈.

你可預算鋪地磚约$3500/井(即每一佰平方尺)連工包料計,因末知那款地磚價錢不能作準,另如要清拆舊地臺磚约$800/井,至於廚柜,舊式公屋是有石屎灶臺連星盆,新型公屋多採用组件式灶臺,而你提供的資料吾足夠,好難確實報價,如是新型公屋廚房约可做11呎因要預留洗衣機及雪柜,要看你想怎樣安排及廚柜材料的選用,過年期間師父都不會加價,但我估計末必可預期入伙,因訂造廚柜廠商必定休息最小10天,如現在就能决定或可趕及入伙期,如你有興趣可聯络我,侍我幫你想想,能否成功交易小弟亦歡迎,請把聯絡電話及裝修细節e-mail到我郵箱再作詳. e-mail: "[email protected]" Kevin Hon