做咩運動可以防止失禁?

陰道收縮運動亦即係《凱格爾氏運動 Kegel exercise》
呢個運動係於1952年時由婦產科醫生 Dr.Kegel 所提出, 可強化骨盆腔肌肉的功能..

要練習呢個運動首先係要清楚知道自己訓練既肌肉組, 小心唔好收縮錯誤..
做既時候除咗骨盆肌肉 (pelvic floor muscle)之外, 其他肌肉都係要放鬆
包括大腿同腹部既肌肉, 係最常被錯誤收縮, 因而達唔到理想既效果..

其中一個最能清楚知道應該收縮咩肌肉既方法就係去廁所啦..
當女性去洗手間既時候, 如果要突然中斷所使用到既肌肉就係骨盆肌肉啦..
可以係去廁所既時候練習多幾次, 感覺一下究竟係邊一組肌肉收縮..
另外一個方法就係將自己既手指放入陰道, 然後嘗試收縮夾緊, 咁就會知道啦..
但係有一點大家要留意既就係唔好錯用咗大腿同腹部既肌肉..
而當做呢個運動時除咗骨盆肌肉之外所有其餘肌肉都係要放鬆既..

呢個運動既做法係先收緊肌肉10秒, 然後放鬆, 再收緊
每日大約做5至10分鐘..一個星期可進行運動3至5次..就可以架啦..
呢個運動除咗有助生產後收縮陰道之外, 仲可以防止失禁..
另外亦可以防止膀胱同尿道下垂, 係一個一舉三得既運動..

不過因為我始終都唔係醫生, 所以未必能正確點出做呢個運動既需知..
所以真係想做呢個運動既女性, 我會建議你地先向自己既醫生詢問之後才練習..
因為始終陰道都係敏感脆弱既部位, 希望大家可以好好保護佢..

去做gym嘛 , 有d器械專做女仔下身 , 同時可以練陰道股肉 , 咁就一舉兩得 , 你搵個女仔教練教咪無咁唔好意思囉............

飲尿可以防止失禁,以形補形