Urgent!!!! 男子監獄入冊前(收押所)...入冊後...的重大問題Urgent!!!!!!!!! (+10)

我唔知你幾多歲，基本上，等報告期間，會入收押所，視乎你係大人定細路

一定要著囚衣，同埋白色的底褲

做檢查唔一定要去醫院做，通常會在字模房做檢查，即係你落囚車去到的第一處地方
要睇你衰乜而定，通常都只係除晒衫褲檢查人
基本上同你做攞報告的程序一樣，然後會見保安話得事那個，即兩粒一棍或三粒

除非頭髮真係好短，否則，點都會係咁易收一收
然後就會影相，而且只係會影大頭相

如果你攞報告時，唔駛通櫃，基本到真正入去，都唔會要你通櫃

衫同褲都會有你的名，唔駛同人輪住著

沖涼冇一格格，大便都只係遮住下面

會係半日活動，半日工作，大人的活動就會睇電視，打波，打康樂棋，細路就會讀書
工作就會分廚房，本工，冷氣，洗衣，泥水

視乎犯乜事，通常都會係大倉

水飯房係單人房，入去瞓，會加監呀

最後，提醒你，如果真係入左去，千萬唔好得罪 d 保安呀，如果唔係俾人玩死呀

希望你冇事啦

記住一樣野,要叫探監既人買多d煙!!
無論任何人探監都叫佢買煙,指定個隻牌子,有指引話邊隻!!!
可以係監房入面用煙換物品!!
簡單d講煙就係監房既錢!!!!記住!!!!

荔枝角收押所等佈告:

一入去要到指模房交「包頭」,打指模,然後要接受全身檢查,包括「通櫃」即探肛。
跟着要穿着囚衣「一條白色孖煙卣」夏天就短衫短褲、冬天就長衫長褲一套,跟着要飛髮,不論長短。
剪完髮就揸住個黑板影相。收完「牌仔」身份証就入飯堂食飯等編房。
等緊佈告D犯係冇嘢做嘅,日日睇電視,最多只係做吓清潔。

入冊 「受正」

又要入指模房換身份「即換牌仔」,打指模,又係例牌要接受全身檢查,包括「通櫃」,又要換套囚衣,有名又有號碼。
冲涼房係面對面嘅,冇遮冇掩,厠所就有鉄門,但係上半身望得到嘅。
裡面「監房」有書讀,「白手」有電腦班,有宗教班,有工作做。
工作有好多種:木工期、灰、泥水、製衣期、洗衣期、清潔期、廚房期、印刷期、訂裝期、讀「聖」書期、鞋期、信封「釘房」期等等。
大多數係大倉,喺裡面犯咗事嘅就入單人倉,有仇家也入單人倉,「赤柱」同「石壁」就冇大倉,全部入双人倉。
水飯房即係「水記」,食「水飯」已經取消晒喇。有D啊 sir 專蝦新人,最緊要你識玩「投訴」,玩得多就好易「捱」,否則你都好難「捱」嘅, 祝你好運啦!

首先收押所同監獄係一定要著囚衣
至於佢地點樣檢查我唔清楚
但係通櫃等等係必要既,因為佢要確保你無帶野入去!
佢會同你剪頭髮等等,機本上你去到收押所個度佢已經係比左個終身No你
入到去都係叫你終身No
入到去件3就一定唔係啡色,我唔肯定係咩色(因為我朋友講過我唔記得左)
入到去沖涼係一定係要你眼望我眼,不過呢d野長期左就會慣
入到去你可以揀做野,做野佢會比工資你.又或者讀書,不過我朋友話讀書通常要等好耐
因為佢係有quota,入面做既野都係好普通好似係做衫個D
我聽我朋友講話佢係住幾個人倉,通常住單人個D都係比人釘倉
終身No係一世既!