第一次去母嬰院有甚麼檢查要做?

我第一次去母嬰就會幫我驗血驗尿，檢查陰道，摸下胸，問你有無家族病等等..........之後開始每次覆診就淨係驗尿(驗你血糖果d有無高到)，量血壓，磅重，比你聽下心跳，4個月開始就幫你摸肚，摸下肚又聽下心跳，跟住就坐係度等見姑娘，問下你最近有無咩唔妥，無的話約定下一次幾時覆診就叫你走得。

我到而家都未安排過我去照超聲波，最近一次覆診，姑娘佢地話要我30幾週先會幫我轉介去預約既醫院做一次詳細檢查。

我家下懷孕25週，每隔4個星期先覆診一次。但我同時都有去私家檢查，起碼有得睇下個bb同埋提早知道佢有無問題。

母嬰果度，我問佢要唔要做唐氏測試，佢地都話資源不足同埋話我年紀風險低唔肯幫我做。所以我都係自己去私家做，但因為超過晒3個月先去，醫生話度頸皮既準確度低晒，搞到要去驗血。

所以如果你想盡快知道bb著床位岩唔岩，你最好搵私家睇，唔好諗住母嬰會安排到比你。

第一次去母嬰健康院,我記姑娘會驗尿,之後醫生會幫你做下體險查,

之後下次又會抽血驗血

如果你想照超聲波,應該係要去私家醫生,

因為政府係要到20週先照,主要係睇下個bb既手腳身體正唔正常,

同埋量度鼻骨,睇下會唔會有機會有唐氐綜合症等等

正常唔會幫你照下bb係仔定女,有d好既醫生可能會幫你照

第一次見唔會有超聲波照住,佢地會用鴨咀坩檢產你陰部再安排驗血,開頭會每四個星期見佢一次,四五個月到會有一次超聲波照,每次佢會噤你個肚睇BB岩唔岩位,我第一胎時係38週噤到位唔岩叫我考慮每日返去人手轉BB位定第二日即時開刀,我揀左開刀,所以你唔洗太怕,但我亦有常返私家診所照,因為我八卦

可能只會幫你度高磅重量血壓和用試紙驗尿，聽BB心跳。如果你的體重血壓正常，BB有心跳便OK走得.不要失望，覺得兒戲。等BB大小小才真有需要照超聲波。

如果你是高齡產婦，會在16週左右到醫院抽羊水。如果有家人是糖尿病人，遲早會要做空肚抽血和耐糖測試。等BB大D要到醫院做structural scanning, 看BB的手手腳腳etc是否正常。