將軍澳有咩商場／地方好行，多野行？？

將軍澳有好幾個商場
其中有
1. 尚德商場
2. 將軍澳中心
3. 將軍澳廣場
4. 將軍澳地鐵站對面新開一個商場, 因為太新唔係好知叫乜名, 三個字的
5. 寶林的新都城一, 二, 三期
6. 厚德的東港城和連理街
7. 南豐廣場
8. 新寶城
總括黎講, 新都城和東港城係比較多野行亦較大型
厚德商場依家比領匯收購左, 開左好多店舖, 連帶東港城, 依家比起幾年前熱鬧好多
食方面: 例如好有人氣既元氣壽司, 好多時都大把人排隊, 仲有pokka cafe, 都好受歡迎, 另外仲有表姐手勢和表哥茶餐廳, 仲有一間泰國菜, 亦有快餐店, 如美心, 大家樂, 麥當勞, 吉野家, kfc, 稻香集團既酒家, 吉之島既美食小廣場等等
行方面有新開既catalog, lesunda, wanko, 2%, BGW等等
相對黎講, 新都城賣既衫都多好多, 有double park, b+ab, issue, BGW...等等, 亦有好多街賣手機電器等, 食方面都和東港城差唔多的
至於尚德, 因為比較偏遠, 所以大多係住係尚德個邊既居民行, 除非有好多時間和閒情, 好多時會由尚德行, 再行過去新都城, 逛完就再行東港城
如果真係shopping買野, 應該都消磨到一個下午

將軍澳近年多了一些商場,亦很多購物消費地點.
1.新都城中心-它由三期商場組成,主要遊覽,購物多集中在第二期商場,形形式式十分齊全.鄰近還有寶琳邨及景林邨它們亦有一個小商場.
2.東港城貼鄰有厚德邨及尉南灣畔,亙通相連,亦夠消磨一天.
3.將軍澳中心,位置在將軍澳站,鄰近還有將軍澳廣場,尚德商場及一個新開大型商場.
4.以上全部在地鐵站旁,交通非常方便.
5.由東港城去新都城中心可以利用地鐵坑口站乘地鐵到寶琳站,或於厚德邨商場地下乖搭到康盛的專線小巴亦可到達.

將軍澳大型商場不多, 人流比較旺是在新都城商場, shopping有大百貨, 但貨類都是大路貨色, 其它都是大型連鎖店進住啦! 但吃市比較多, 有日本菜, 中菜, 上海菜, 客家菜, 西餐廳及大型美食廣埸....等, 值得推薦是有間由明星開糖水店, 味道及賣相都很不錯, 至於玩地方不多, 主要是新市鎮哦!

1.新都城中心
2.東港城
3.將軍澳中心

我比較喜歡行東港城。

將軍澳寶林既新都城商場,佢係由三期既商場組合
都有d 買衫既店鋪.例如iezzu,lives,bmw,等等~
食野有美食廣場，必勝客,元綠，美心，大家樂，5,6間荼餐廳等
化裝品shop 有sa sa,卓悅，雅斯，h2o ,"fanco" dhc...etc

將軍澳中心
新都城(((超大,有排行,仲可以睇戲)))

將軍澳有乜商場好行我就唔清楚
不過我覺得將軍澳墳場好行同多野行