唔知點解好唔開心

我之前個情況同你ｅｘａｃｔｌｙ一樣＾＾不過，我同我男朋友分左手啦．．．我諗我男朋友既脾氣仲差過你個個（試過被打．．．），但佢好好好好好愛我，點解我２年黎都係去受氣呢，因為我知佢係好愛我，當然我都係，但佢永遠唔會明白我地比佢地鬧既感受。到有一日我真係心灰意冷啦，決定分手之後，佢真係黎個１８０度大轉變！！！！因為佢以前以為我一定唔會離開佢，所以好多野都唔會諗我感受，覺得我係咪都唔會走，點ｈｕｒｔ都冇事，但當時既我已經淡啦，所以之後佢做咗ｄ咩都已經無補於事．．．但其實，如果佢早ｄ察覺到既話就唔會變成咁。所以．．．我會建議你試下呢個方法囉，比佢感受下你既決絕，你既寂寞，你對佢既心灰，如果佢知道你有想過會離開佢既話，佢一定會好驚＜如果佢係愛你＞，希望你可以改變到佢啦＾＾　唔好再咁緊佢，對佢咁好啦，比佢感受下比你忽略既感覺啦！！！

(同我憧憬既愛情一d都唔同)...有時幻想係美麗.......現實係殘酷

(但係妳知道自己係仲係愛佢)......其實妳重係鍾意妳真係咁肯定.....really????????

(愛情係要付出)....係係妳愛對方時候就會付出....當愛消失的時候...妳唔會再付出

做人女朋友唔緊要，但為何住左係人地屋企先？你無屋企返咩？

做人既野，依加你既情況係未結婚，但又住左係人地度，我係佢亞媽都睇唔起你，覺得你 cheap 啦！重有，你依加有無比家用？無既話就直情係白食白住，梗要寄人離下，比人睇唔起，而佢地都會覺得當你工人咁用係正確既。人地 D 人結左婚都唔同奶奶住啦，所謂相見好同住難，你未結婚就走去同佢住，傻左咩！有自唔在羅苦來辛！快 D 執埋包袱走啦！身價即刻變貴好多架，想幸福就快 D 返屋企！你阿媽生個女比人地阿媽用既咩？返去孝順自己阿媽好過啦！

the problem s mainly caused by his mum instead of himself
u may try 2 discuz the issue seriously with him unless any of u wanna seperate

依你所講...之前幾位網友都講得好o岩, 你係一個好女仔, 係佢唔識珍惜~
加上宜家已經係咁...過多2年點算呀...
你自己問心, 如果佢宜家向你求婚, 你會唔會應承丫???
我唔係話拍拖就要結婚, 而拍拖同結婚既要求都可以唔同, 但係拍拖都唔開心又點諗長遠呢???
一個男仔顧家疼阿媽唔係唔好, 只係佢唔識另一方面疼返你o羅~
同埋佢好唔識做o羅, 如果佢阿媽對你有意見, 佢應該識做搞返好d關係o羅~
如果你話打機方面, 我就覺得冇咩問題, 宜家好多男人都係咁, 要好似湊仔咁, 但係...多數係sweet架喎~
唔係你所講仲要受氣o羅...加上如果你有唔開心or喊, 佢唔理仲要鬧就一定係佢唔o岩啦, 就算係發小姐痺氣, 又唔係發顛, 佢唔了解下都算, 都冇理由鬧掛~ (當然..我唔贊成女仔成日喊, 因為真係幾煩, 仲會唔'經'貴)
我之前都試過類似(幾年前)...又係成日打機, 不過佢唔係同屋企人住, 所以唔洗俾人點, 不過都係咩都要做, 佢都有氹下我, 但係有時痺氣好大, 特別係出街好多限制...當時我覺得自己好愛佢架, 好似好轟烈既愛情咁, 自己好似好偉大好委屈咁~
又係拍左2年, 最後...我決定唔好成日諗住拍左幾耐, 成日唔想就咁冇左之前建立既野, 淨係諗再繼續之後既日子會點, 自己係咪可以搵到個更好呢???
所以我最後選擇左唔諗以前個2年, 應該諗下之後個幾十年, 呢幾年...我feel到我係被重視同被愛~

本人覺得佢真係當你係菲庸。
你諗吓是開心多,抑或是傷心多。是傷心多,你為有飛咗你男朋友囉。
因為都未結婚,已經當你係家庭主婦,將來結婚後你一定無好日子過囉。世界上有邊個女仔唔鍾意有人鍚和照顧,仲要有一定的自由度。愛是一種幸福和甜蜜(起碼拍拖和新婚一定係咁。)但換來是寂寞和痛苦,就真係唔值得你去愛呢一個男人囉。