急問整白灼蝦

如果是兩人份量，灼蝦的水加2片薑、1粒拍扁了的蒜頭一齊煲滾。將蝦洗淨，剪去蝦頭那個尖尖及長鬚（如果懶，可以省卻這步驟）。將蝦放入滾水中，見蝦呈橙色，及蝦身彎曲成"U"字，就可以撈起。
蝦不易生，但亦不可太熟，否則會嚡口，一彎身就可以撈起，大概5-8分鐘左右，視乎蝦的大小。
如果想特別啲，可試吓「籠仔蒸蝦」，要買一塊荷葉，放在蒸籠，然後放入薑數片、葱白2-3條，放入蝦以猛火蒸10-15分鐘，至蝦熟透。這樣蒸出來的蝦蝦味較濃，但也會較實淨。

買蝦回來沖沖水，白灼就是將蝦放入滾水中灼熟。要注意，水要多，和要大滾時先放蝦，蝦灼好才不會變黑和肉質較彈。買蝦，首選買九蝦。次選是海麻蝦，不要買養蝦，灼了都不會太好吃的。再給點二人聖誕餐提議你吧！有白灼九蝦(好難買到的，因為是野生海蝦)，去日式超市買點雪花一口牛扒，(sogo/又一城的taste)放入平底鑊每面略煎半分鐘就可以，油都不用下，就可以很簡單地代替了牛扒，用心點的，切點甘筍和青椒跟牛肉一起略煎來吃吧。而火雞太大，又難做，用雞上腿肉，抹點沙薑粉腌一小時，放入飯煲中焗熟(按煲飯的掣就可以)，便很好吃的了，最重要是易做得很！

白灼蝦無新意
兩個人食不如試吓
冰鎮蝦
12兩花蝦
燒滚1鑊水
下薑兩片 蔥两條
加入白醋1茶匙(蝦會更爽)
落蝦入鑊
蝦轉橙色後滚1分鐘
盛起馬上放入冰水(冰要多過水)
至夠凍
食蝦用日本豉油芥辣

如果兩個人食，買半斤蝦就夠，洗乾淨後倒入鑊中滾水，用大火，待蝦身變成橙色同埋呈彎型便可上碟，可點大紅浙醋或辣椒豉油。至於其他菜色，我比較喜歡食海鮮，同比較懶，所以通常都會選擇一d簡單，唔駛點炒又唔駛點洗嘅餸。花蟹兩隻，洗淨落水白烚，大概十五分鐘左右，待涼後再放入雪柜，最好即日食用，可以食到蟹嘅鮮甜，配紅醋仲正。食海鮮就梗係配白肉啦，可以去Ｓupermarket或者快餐店買燒雞或火雞，唔駛自己煮，又方便又好食。

1) 要先煲一大煲滾水
2) 水後先放啲蝦落水
2) 過一陣之後，直到你見到啲蝦會由灰綠色轉為橙色（彎曲晒），再過多1–2分鐘就可以上碟ga啦！
就係咁簡單！

p.s. 啲蝦買返唻之後，千其唔好即刻用淡水洗，要你食之前（煮之前）先至用水沖一沖就ok，因為如果你一早洗定啲蝦，咁啲蝦就會好快死晒，啲肉就會“霉”唔爽口，唔好食ga啦！