台灣自由行

＊　$1,300-$1,500包酒店／機票／捷運一日飛真係好抵，不過細行要小心啲，都係幫襯大行如康泰、永安、東瀛遊會安心啲。可參考www.hongthai.com/TourItin/PkgPDF/TPE2.pdf
＊　一樂園位處西門町，較舊、房又細，勝在夠平囉！
＊　單人房附加費要視乎不同酒店而定，一般貴$600起
＊　只要持香港身份證，可以在香港機場辦證，亦可在台灣機場辦證，
＊　捷運好安全，如果玩得太夜要坐的士怕危險，建議可以選擇乘坐設有全球衛星定位系統的計程車。由台北市政府與華夏科技、台灣大哥大與崧訊資訊所聯合建置規劃 e-T@xi衞星計程車政策，現已完成300輛台車機安裝，並可提供衛星派遣服務，乘客只要利用行動電話直撥55850，或撥打免付費市內服務專線 08-000-55850，就可以直接透過衛星定位系統叫車。　（資料來源：壹蘋果旅遊網）
＊　捷運沿線，想食就可以去「士林」，因為有個著名的士林夜市；想看風景，「淡水」也不錯，日落黃昏景一流。「忠孝東路」和「西門町」都是很的購物區
＊　在當地買台灣書，相等於香港的七折，如到書局林立的重慶南路，有些書店還會有八、九折呢！
＊　溫泉地點可選「陽明山天籟溫泉會館」；北投區的有「湯瀨SPA溫泉日式料理 」、「水美溫泉會館 」、「水都溫泉會館」等等，泡湯費用HK$50起。
＊　建議你在中正機場兌換台幣，兌換率會較在香港換得更抵呢！

錢方面，我唸你預每人最多洗HKD$1000~2000，你咪預多D，一個人唱住HKD$3000，一定夠用，你去到酒店，要比NT$1000按金(我果時住麒麟就要比，我唔知東龍洗唔洗)，
你退房時會比番你。

唱錢方面，HK$1=NT$4，唔好去地下錢莊唱喇！雖然平，但一黎唔知會唔會比人呃，二黎我唔知邊度有地下錢莊，介紹唔到比你。你去到台北機場，過關前會有個唱錢counter，D人話果度唱錢個rate會好D，我果時都係去果度唱，不過要收手續費。台灣既街頭小食好平，大約由HK$5~20不等，例如一碗魯肉飯都係HK$5。

航機方面，建議你坐港龍，一黎係因為安全，二黎係因為真係早去晚返，去就8:15，返就20:55。我之前去新華買package，住麒麟坐港龍，都係$1699，末連稅同燃油附加費，不過當時係6月、唔係旺季。

酒店方面，麒麟我住過，雖然3星級去之前聽人話好舊、好污糟、唔係人住，其實只係舊D，都唔係好污糟、唔住得人。而自助早餐頭兩日食都幾豐富，款式大多，淨係飲品都有6、7款，但第三四日食果時會覺得好厭！佢距離西門町好遠，識行既話都要行15分鐘，因為佢locate響西門町同華山寺中間，不過當你每日玩到好「支力」既時候，要行番去都幾係野！加上夜晚行番去果條路都幾靜下，如果你地多人都冇所謂既！如果你覺得行15分鐘都ok既話，麒麟會係一個唔錯既choice。

行程方面，建議你每朝可以去博物館，因為其他地方都開得好late，早去到冇用，所以早既話就去下博物館啦！你地有學生就記得show學生證，因為就算你係香港學生都可以買學生半價票，記住，所有博物館都得，因為我都試過。你去四日三夜都夠，唔洗去五日咁多，除非你又要去九份又要去淡水啦，因為呢兩個地方每個地方都要去成日咁滯，不過我唔幫你詳細plan九份喇！因為我冇去過，唔知果度有乜玩，你可以參考下其他人既議見。如果你想浸溫泉，你買package時要同佢講埋你要一晚溫泉酒店。

香港去台灣要一個鐘頭三個字飛機到啦！

計程車印象中貴過香港，NT$70起錶。搭捷運記得買悠遊卡，按金NT$100，可用既NT$400，Total NT$500，如果你去晒我建議既地方，張悠遊卡，都用唔晒，如果我冇記錯，果陣時我就可以退番大約NT$200~NT$300左右(連按金)。

過關要注意簽證問題，出發前你睇下你地全部人可唔可以做落地簽證，可以既話去到先做，唔係問題！同埋去到台北過關前可以唱台幣，響香港過關時，你有SmartID咪可以過e道囉！機票、特區護照、身份證、簽證都要比佢睇。

建議行程(四日三夜)
Day 1你落機之後，可以去西門町附近行下，果度都好多野行，順便摸熟下D地方，因為你都唸住住響西門町，如果要食lunch，記得要去西門町間爭鮮迴轉壽司，碟碟NT$30，好新鮮，抵！不過講真，我覺得西門町冇乜野行，D野又唔會買得落手。可以去錢櫃Party World行個圈，因為裡面真係好靚，初頭我以為係酒店，因為佢個大堂靚到好似5星級酒店咁，後尾先知原來可以唱K。總統府響西門町附近，可以行去，唔建議坐的士，如果你想入埋去參觀既話，就唔好今日去，因為逢一至元五朝早9至12先對外開放參觀，今唔今日去depands on你想唔想入去參觀。晚餐你可以去華西街夜市食或者響西門町D掃街。

Day 2朝早你可以去中正紀念堂。之後去台北101大廈，因為朝台北101大廈好high class，去到都冇野做，建議你當日去埋new york new york、誠品總店，因為都係響附近。當日可以去埋忠考敦化站，果度有東區地下街、頂泰豐分店、周杰倫開既古董店omni by JFK、大型百貨公司(不外如是，可去可不去)；值得一提既就係東區地下街，果度有間sun cafe，食cake buffee食到飽都只係NT$198，有超多款好靚又好味既cake食，又有野飲，勁抵，食兩三件已經回本。

Day 3朝早你可以去故宮博物館。之後可以坐公車去捷運站坐捷運去淡水，行下老街、情人橋、漁人碼頭、紅毛城都有排你行。黃昏時你先去美麗華百樂園坐下摩天輪。夜晚就去市林夜市晚餐。

Day 4我唔建議你去好多地方，因為你班機都好早18:30，最好提早去機場，因為台灣去機場成日"失"車，我果次已經提早左3個鐘離開酒店，點知"失"一"失"車，搞到我響閂閘前15分鐘先去到機場。果朝睇下你去唔去埋總統府，唔去既話可以去國立軍事博物館(都係響西門町)，之後你可以去埋紅樓劇場(西門町)、新光三越摩天大樓、國立台灣博物館(響新光三越摩天大樓附近，有一層係for小朋友，所以都幾建議你去)、或者留番響西門町買手信比朋友啦！

希望可以幫到你，大約係咁啦！如果再有問題，可以留言或者email比我([email protected])。

以上內容全部都係本人親人打出黎，請勿抄襲！

最後，建議你可以去圖書館借台北遊樂Guide--最新加強版3rd edition (博益出版社)，我睇過好多本台北旅遊Guide Book，我覺得呢本D資料最齊全，你可以借番黎睇下。

我1月也是1個女生去台灣，不過我是去台中，比你還要遠呢

Q.我見d細旅行社寫１３ｘｘ～１５ｘｘ度包酒店／機票／捷運一日飛
係咪真係咁平，酒店就好似有樂園個ｄ，好唔好架
同埋我自己一個去架咋，單人房通常加幾錢

Ans.你見到的package應該是細旅行社在非旺季去的價錢
不過，住的地方是3星級不太好的那種，你不如去大旅行社買比較好
每間旅行社的package都差不多，便宜還是貴就看你選擇住的地方
旺季大約$2500左右，非旺季就$1500-1800左右

酒店沒有樂園的，那些是像會所一樣的地方
package中就有單人房了不用加錢的

你在旅行社的網站就可以看到了
全都有列出來的，包括住的地方的價錢

康泰
http://www.hongthai.com/main.asp

星晨
http://www.morning-star.com.hk/home.htm

新華
http://www.sunflower.com.hk/

安達
http://www.lotus-tours.com/

永安
http://www.wingontravel.com/

Q.我諗住到時全程坐捷運，我怕危險，得一個女仔。
有冇ｄ近捷運源線有冇邊ｄ好玩既地方介紹
我想去下影相睇野為主，用１日買野
如果買野邊度ｄ野抵ｄ，我聽人講話西門町ｄ野又貴又唔抵
有冇其實地方好ｄ
台灣ｄ小說係咪抵買，我想買ｄ尋夢園個ｄ小說
有冇邊度有溫泉又地點方便．．．

Ans. 我朋友有在10月才去了台北玩
基本上是差不多全個台北都行曬
已經send左我朋友的行程表、路線圖、及交通資料給你
你想去的地方都在行程表中

是4日3夜的，你可以用來參考一下^^

唔止有文字，仲有埋圖，交通資料有列出各車的車站在那裡，還有地圖

我明年新年時是去台北5日4夜，不過是我老公開車載我去的
我也是用我朋友的這個plan來定新plan的

Q.如果我用特區照係咪可以落地簽證，幾錢架

Ans. 辦台證只有1個地方有，就是金鐘的力寶中心

如果你覺得遠，你可以先在網上申請後
去台灣的那天，就在機場拿落地簽證(港幣$55)

這個是香港網上申請的落地簽證
https://nas.immigration.gov.tw/nasf/ctlr?PRO=PRO_Task01Application

或是直接在台北機場辦落地簽證(台幣$220)

在申請之前你要注意以下一些事
1. 如果你不是在香港出生，及未去過台灣，就不能申請落地簽證
要去金鐘力寶中心4/F (中華旅行社) 拿申請表申請
填好之後交回去力寶中心，同時要交港幣$122 & 寫上回郵地址的"航空信封"，如果批左的話，2星期之後，台證就會寄到你的家(2星期是指由申請至收到台證)

2. 落地簽證只限去過台灣及香港出生人士申請

3. 香港申請的落地簽證有效期3個月，可出入台灣2次，每次可留在台灣14天
台灣機場申請的落地簽證就不同了，有效期14日，出入境1次

還有1種台證是自申請後6個月有效，可出入台灣1次，可留在台灣3個月
就是我第1點列的那種

我第1次就是申請這個，今年8月也是，因為我要去住3個月辦結婚的事，所以落地簽證我用不到

我已經去過台灣5次了，這2年也是香港----台灣1邊跑，所以我很清楚^^

你去左1次台灣之後，就可以改用落地簽證，但是你要看你去多少日
像我這樣很多時都是去住超過1月，那就要申請住在台灣3個月的那種台證了

有問題可以問我，我已經入籍台灣了

2006-12-21 11:22:26 補充：
買野的話去夜市吧，很便宜加上款式很多選擇

我11月去完台北...我係去新假期個d廣告既agent買package(機票+酒店), 最平幾百蚊個d佢實話full晒, 之後叫你少少咁加, 轉下日期轉下airline轉下酒店咁...最後我1000有4日3夜既package, 另+500tax, 坐中華住儂美, 好彩我同男朋友去咋, 成間時鐘酒店咁, 夜晚附近又冇人, 捷運行去要10分鐘, 所以酒店方面我建議你住"長虹", 價錢平, 好方便, 因為我去行西門町, 就見到佢係正shopping area入面, 門面完全ok, 捷運行去都唔洗5分鐘, 不過入面係點我就唔知~

落地簽證要200台幣, 你要預先準備哦, 因為你要簽左證先連埋passport去排隊入境, 入左境先有錢兌, 不過如果你係買平價團體飛既就唔洗驚, 你去機場羅機票時佢可以幫你, 通常佢會問你洗唔洗簽證, 有冇台幣, 如果佢冇問, 你就記得問, 之後過到去入左境既兌換比香港高, 所以最好係台灣先兌, 如果你有接送巴士, 個領隊就會幫你兌, 我上次去就領隊仲兌得多過銀行

一個女仔係坐捷運比較安全, 就係唔係咩地方都去到, 因為個度有好多巴士都好方便, 仲有埋顯示牌, 可以睇到每個站名, 去之前plan好行程, 再上以下既網止就可以check到轉車資料, 都好清楚~
http://www.trtc.com.tw/c/index.asp

買野方面...唔好話西門町, 衫褲鞋襪黎講台灣都係唔抵, 香港花園街既衫佢地都貴成倍, 佢地街邊檔既衫都要百幾二百, 街邊買條牛仔褲冇得試都要二百幾三百, 你自己諗啦~
我自己就全部都係野食同濕星野, 即係擺設呀, 公仔呀個d無謂野o羅~

台北係好多書賣, 係總統府行去台北郵局成條街都係書店添, 不過多數係學術書, 電腦呀, 字典呀咁, 係平成半架~ (入口書唔計) 不過我唔係好見小說喎, 可能我冇打算買, 所以冇特別去搵, 又或者去唔o岩地方啦~

溫泉我就冇去喇...希望以上既資料幫到你啦~