關於文件既問題,請教各界文職人事,希望幫幫手,千萬個thx~~~~

唔使驚喎,而家D人冇以前咁正規架啦(我以前讀過既"尺牘",而家都唔係點用得著),好少人寫信會用"敬啟者:素仰　貴公司...."架啦.

除非你去o個間公司係新開既,否則你一定可以搵返上手既文件黎"參考"架啦,人地點寫,出得街既,即係公司認為OK架啦,照做就得架啦.有時反而太正規,其他同事以為你好"自以為是","咬文嚼字","玩野",仲衰啦.

總之記住,每間公司有自己既文化同習慣,你唔使太執著格式o岩定錯,正規係點,公司認為咁樣好就咁樣.

但係如果你真係想知正規既格式,你可以列幾樣出黎,我可能可以幫到你既,但係講到"全部文件",範圍咁大,都唔知點答你好.

2006-12-24 10:03:27 補充：
報價單一般letter head都有你公司既資料(名,地址,電話),下面有客戶既資料,報價單號,報價日期,再下面就係報價既詳情:貨品編號,名稱,包裝規格,報價(貨幣及價格),交貨限期,交易(交貨)條件,付款期限及方式,報價有效期,其他需要的補充性資料,負責人簽名,公司蓋章.船務文件,我惗你講既係Invoice, Packing List, Delivery Order...

2006-12-24 10:03:47 補充：
其實都係o個D野,你公司既資料,客戶既資料,單號,日期,負責人簽名,公司蓋章幾乎係固定既野.而貨品名稱,編號等都應該有,唔同既係Invoice主要係為收錢用,所以主要係加上同價格,數量有關既野,Packing List係為左個客知就D貨包成點,幾多件裝成一包,幾多包裝成一箱,幾多箱裝成一板,幾多板裝成一櫃,淨重,毛重,體積(視乎個客想要乜野資料,你公司又可以提供乜野資料),Delivery Order就相對簡單,為通知個客D貨幾時到(同埋點運到.都係o個句啦,唔使驚喎,間間公司都有一套版本架啦,照抄就得架啦.