CON的問題

散光con戴左有偶爾時間唔清係正常既
原因黎自隻鏡既轉動


隱形眼鏡放左上眼果時唔可以太緊
要容許每次斬眼時都有少許移動
否則會減少淚水交換
直接影響角膜接收到既氧氣多少
而且「cool」得太實仲會影響角膜附近既血液供應
同埋可能會令隻鏡痴住角膜

問題係隱形鏡如果俾佢郁的話
每次斬眼佢都會轉動
近視/遠視用既只係球面鏡
點轉都係咁既樣
所以冇問題
但改正散光既係柱面鏡
有軸線方向問題
柱鏡跟住隻con一轉就會令隻鏡同眼睛既散光軸線唔同
結果就係矇左
而散光低既人轉十數度都冇咩分別
散光高既轉一度都會好矇
所以散光高既人戴左con後視力會幾唔穩定下

雖然散光con都有各種設計令自身轉動減到最少
但唔保証隻con可以聽話到轉都唔轉下
我既建議係你如果咁高散光
不如諗番你係咪十分需要隱形眼鏡
如果係既再去眼鏡鋪同佢地傾下
試下有冇鏡係可以冇咁大轉動
又或者某D場合需要好好視力既選擇唔戴con

至於戴耐D通常都會有少許改善
但矇既時間未必會100%消失

唔知係唔係個"弧度" 唔適合您呀!!!!
個弧度唔 0岩會好易走位的....

您係咪經左醫生 / 視光師check 過先配con 架...
如果係既....無理由會係咁既情況的......

現在都有些con.....係有好深既散光度數架....
所以您唔使擔心您無con 配.....
記得要個度數 0岩.....同埋弧度 0岩既先好配呀!!!!!

hope it helps you~

我戴得耐只會feel雙眼乾同累，唔會好似您話好似會走位甘
同埋眼鏡鋪d人講得岩　因為有好散光戴con係無用