台灣旅遊經驗

之前我有答過有關旅遊點---淡水，因為坐捷運就能到達，值得去的一個旅遊喔！
http://hk.knowledge.yahoo.com/question/?qid=7006091703740

＊＊坐捷運便可到達淡水，通常我出左捷運站後，我較鐘意從左手邊的"淡水河岸"開始行(即係沿住海旁行)，沿途有精品店之類的舖頭，但吸引我的係沿途有好多小吃，而呢Ｄ小吃第二度未必有得食的，放享一下我每次都要幫襯的小吃推介啦：

碳烤臭豆腐：幾得意，唔多臭的；

巨無霸霜淇淋：只需台幣20蚊，不到５蚊就有成 55-60 cm咁高的甜筒喇！雖則係"之咪就係雪糕囉！"，但係可以渣住咁巨型0既甜筒 0係手，影張"到此一遊"值回票價啦；

刎仔魚鳥蛋：餡料係鵪鶉蛋，塗上醬汁，好味呀；

鹽酥菇：如果鐘意食菇類，就一定要試喇！我都勁鐘意食架；

冰糖葫蘆：入面果粒生果係唔酸的，甜度岩岩好，必食；

烤魷魚：因為太大件，對於各位靚女黎講，要食佢都幾係野，所以我對呢樣野不能下推介，但朋友們話好正好好味囉；


＊＊沿海岸行，直到右手邊有條大橫巷行上去的，而前面直路都已經無咩野睇喇！所以請你身體向右轉，你可以見到左右手邊都各掛有"老牌阿給"的招牌，但請選擇左手邊那一間"老牌阿給"，因為我食混咁多間，就以呢間最好食！呢間舖成日都坐爆晒，由我在台讀書時只得一層，以前簡直係無大半個鐘都咪駛指意入去；到而家就好左好多喇，起碼唔駛等禁耐；所以身為遊客的你請嚴選呢間喇！必定ORDER下列兩項～

阿給：賣相係一件平平凡凡的大豆卜，食時用筷子督開，你會看到有料係入面的。請小心熱，我曾被燙過，真係好鬼熱！雖然我唔覺"阿給"能吸引到我流晒口水，但由於係招牌菜，所以在坐每一位食客都習以為常地叫一碗黎食。

魚丸湯："登登登登" 我個人實在太鐘意呢個魚丸湯喇！一Ｄ都唔腥的，可放心！一碗只得３粒魚丸，所以我實打孖上的！

＊＊離開阿給後再往上行(暗斜)，直出到大街轉右手邊直行，因呢條路就係折返捷運站的路了，所以呢個時候就係各位開始買手信的時候喇！

《阿婆鐵蛋》　淡水阿婆鐵蛋又係鐵蛋始創者
營業時間：AM09：00 ~ 22：00 (全年無休)
淡水捷運站停車場及中山路停車場
台北縣淡水鎮中正路135號之1
洽詢電話：02-26251625


《黑橋牌》台北淡水店 淡水鎮中正路138號 TEL：(02)26268458
http://www.blackbridge.com.tw/
香腸：以賣香腸出名的，有分兩種售價，較貴的係選用黑豬肉製造的，其實較平的已經好好食了，而黑豬香腸就梗係更加好味喇！另外要注意一定要買原味，唔只我一個覺得其他口味唔好食，而係我成班FRD 都話係原味至好食的！

果汁牛肉乾：黑橋牌出品的牛肉乾味道唔會差過新東陽出品的，但價錢就平得多；黑橋牌眾多口味的口肉乾，覺得呢隻果汁味最好食，而且新東陽係無呢隻味的，每次朋友趁我返台灣時，都叫我幫佢地買呢隻果汁味牛肉乾呢！

烏魚子：個人十分喜歡食烏魚子，因為實在太貴了，所以耐唔耐至食一次半次。

其實淡水還有好多地方未提及到，我只係將幾項重點向大家介紹，而到淡水觀光的同時亦可買埋手信，一舉兩得，希望對你們有幫助啦！

剛從台北回來,都唔錯。住凱撒。
最欣賞街邊小食,士林夜市shopping很抵.
去淡水那天下大雨,沒見到日落。但阿婆鐵旦旁的糖果店就超靚。有很多cutie糖,如膠布朱古力、煙仔朱古力,連丸仔糖都有。傳統一般糖果也大量。
因為住近捷運,交通極方便。但酒店不包breakfast,街上又不見茶餐廳,早上都找不到吃的地方。

今年9月同同事去台北,
無乜shipping, 因d嘢都唔平.
最正就係食街邊小食,
士林豪大大雞排真的好正.
士林夜市d嘢比較底買.
去過烏來泡湯, 雖然話有菌, 但春秋烏來真的好正.
我地住君帥, 沒有d網友講得禁恐怖, 有condom送係真嘅.

2006-12-21 21:17:27 補充：
對, 在西門町附近也很難找地道的早餐.有都是很heavy的牛肉面.我去淡水那天天晴, 日落真的很美

我是台灣人!!
沒天都呆在台灣
如果去北部的話是西門町和五分圃最多年輕人
南部市新崛江
是shopping的地點

台灣有很多風景優美的地方
要去那邊最好要找當地人

我之前看過你們香港到台灣的行程
我覺得不太好玩!!

如果你有台灣的行程我可以幫你看看好不好
我的e-mail:[email protected]