有冇人試過晌快圖美既退相服務(哂相之後唔滿意)?

我以前影菲林通常都係快圖美晒既，退相唔駛原因架!佢都應該唔會問你點解。
冇咩手續，係有張紙簽返比佢證明佢退返幾多錢比你咁。
態度唔會差架喎，退相係佢地日常工作咋嘛!
我試過退返成半筒相都冇問題。
不過你唔好以為你全部相唔要就比返晒d錢你再晒喎!因為沖底片要收錢，依樣就冇得退既。
你晒第二次同佢講返你想要求d咩?咁佢改到既話，我諗你都會滿意d既~~

我剛剛才試過，其實無需要什麼原因，只要你覺得張相唔啱心水，咁你就可以要求退相/重哂，當然係要七日之內啦。

另外，手續方面，你可以放心，沒有什麼手續，straff 態度也不會差，因為此乃快圖美其中之一個工作。

如果你想退相，你需要七日內拎翻張相去你曬相果一間快圖美要求退相就可以。
如果你想重曬，你只需要帶同你的底片(菲林相) or JPG 檔 (數碼相) 到任何一間快圖美就可以要求重曬。

至於質素方面，只要你講明張相邊度唔滿意，職員就會寫底比師傅，張相出黎你就應該滿意，如果還是不滿意，可以再次要求重曬或退錢。
但我自己的經驗就是：如果張相唔滿意，我會自己係屋企tune 好張相先再拎去快圖美要求重曬，畢竟最清楚張相有咩要求係你自己最清楚，好難用口講清楚的。但如果你想好似我咁做的話，你就需要tune 好自己個mon D 顏色先好咁做，否則適得其反。

其實唔怕講，就算張相真係無問題，你都可以要求退錢，只不過係良心過意得去才去做吧！（我咁講係因為網上有很多人也是濫用了這項服務）

希望我可以解決你ge 問題啦！