難聽o的..做了別人的二奶..我應該放手嗎

個八個月大既bb係咪你同佢咖??
如果係既話,我覺得唔應該放手囉...
但我都覺得你應該同佢講清楚,佢話爭唔到個仔,咁係咪即係佢打算離婚先??
係既話,咁咪分開一段時間先囉,等佢搞好晒d野先一齊,咁會唔會仲好呢??
重有,你d朋友嬲你既,你都要諗清楚,究竟係朋友重要定男朋友重要喇,but我覺得,如果你d朋友係尊重你同明你既,就唔會係咁...

根本你呢個所謂男朋友信唔過, 佢對你都無一份「承擔」
不如你試下話畀你呢個男性朋友聽你已經接受左另一個男朋友追求睇佢有咩反應仲好啦, 話唔定真信即時出現呢, 既然你認為有無你存在佢兩公婆都係有問題咯, 咪睇下佢為乜要爭個 BB 囉, 好似你講到佢咁唔鍾意佢公婆, 加上個 BB 得果八個月, 大部份男人都拋妻棄子啦, 養大個 BB 唔駛錢咩, 留番啲錢同你結婚好過啦, 係咪? 佢都明知佢唔夠佢老婆爭撫養權架啦 (因為個 BB 太細, 通常判畀阿媽多, 記住撫養權只係去到十八歲, 個 BB 永遠都係佢嘅細路, 佢係有權定期去睇個 BB)
另外, 離婚同爭撫養權又唔係一朝一夕嘅事, 有排搞, 有心離婚就應該早啲開始啦, 仲要等呢樣果樣咪即係「唔係」囉, 咁簡單
圖片參考：http://hk.yimg.com/i/icon/16/10.gif

放手啦!算啦你

如果佢愛既係你, 佢會放棄而家既家庭而選擇同你一齊. 如果佢唔嗲唔吊, 又唔離婚, 佢係好自私咁想享齊人之福, 成件事最泄底個個係你. 爭番個仔? 爭番黎比你揍呀? 佢係男人, 揍仔一定會要你負責, 你有冇唸過你甘唔甘心? 依我睇, 佢而家已經唔承認你地拍拖, 你永遠都只係黑市情婦, 你甘心咩?

唔係話同佢一齊一定冇可能. 我以前都係同我既男友講清楚在先, 等佢離婚離成左, 我地再開始過, 所以我唔算係佢既外遇. 一世人溜溜長, 只要我係真心愛佢, 等兩年算得係咩. 而家我地結左婚十一年啦, 一切都尚好, 就係佢個大仔一直係我地爭拗既導火線.

冇錯, 有冇我存在佢以前個家都係會散, 但係我唔想比人覺得係關我事. 我正式成為佢老婆之後, 我冇得唔面對佢成功爭到番來既仔. 佢大個左依然係怪我破壞佢既家庭, 雖然佢親生媽媽已同當年既外遇結左婚. 佢個仔係要話我衰, 我都冇辦法. 你真係要好好唸吓將來可能發生既事. 況且離婚呢家野係好容易番發既, 佢今日同佢老婆冇感覺, 第日都可以同你講冇感覺. 男人之所以可以負心, 係女人"鍾" 埋去俾佢負心.

聽我講, 佢一年之內唔去申請離婚 (唔係要佢一年之內離得成, 係一年之內去法庭入紙申請) 咁佢就根本永遠唔會俾個名份你. 你係唔係要咁樣永遠唔見得光同浪費青春? 你的朋友係啱架. 睇完你既經歷, 我覺得你地有結果既可能只得10%到, 佢多數係唔會離婚, 又或者離左都唔娶你架啦. 唔好蹝時間啦, 可以抽身的話, 一早搵過個人啦.

不過我知道迷戀一個人係點既, 尤其是你覺得你可以為佢犧牲自己既時候. 咁啦, 你最多比一年時間佢好啦. 如果唔係回頭就太難啦. 衷心祝福你.

我聽你咁講，個 bb 應該係佢同佢老婆既
你諗下先，你同佢一齊已經比佢老婆知道左
咁結局只會有兩個

一係佢同佢老婆離婚
但即使離婚都未必會同你一齊
因為佢好似都幾緊張個仔
可能佢會為左要個仔而同你分開
如果佢好緊張佢個仔既，咁佢就點都唔會離婚啦
邊個想個仔出生係 d 破碎家庭架？

二係佢同佢老婆無離婚，咁就仲大鑊
試問邊個老婆可以咁大量同人地共用一個老公呢？
佢就算唔愛佢老婆，為左個 bb 將來有個原整既家庭都會同你分開
如果佢覺得佢愛佢老婆又好愛你就即係花心啦
咁呢 d 人同佢一齊都只會始亂終棄

我覺得你係考慮呢件事上面
唔應該將朋友嬲你作為一個考慮因素
始終呢 d 都係自己既事丫嘛

無錯，有無你佢地既家庭可能都係一樣
但係你有無諗過可能佢會為左家庭而踢你出局呢？

總結成件事，其實你做第三者個風險係非常之高
我個人黎講唔會話做第三者係岩定錯
但係你要為自己諗下
天下男人多的是啊...點解你要受咁高風險呢？

如果從風險黎講，我會強烈建議你離場

最後，希望你可以搵到你要的幸福吧 ^^
亦希望我既解答幫到你

我應為你要忍心放手。因為是為了你自己將來日子去想，試想你這樣下去一年, 兩年,十年,你都是背著第三者身份名義。那人會看得起你，你現在還年輕, 覺得愛情是飲水飽。但當你一路成長, 就會發覺自己為了這段唔直得愛的感情, 失去了你最好友情, 親情及追求者。恨心一刀切吧！免得你陶醉現在短暫快樂, 最於痛心收場。(人又老, 朋友,親人都無)
你把開心片段留在回憶, 當你第二個春天出現你就會好快忘記以前傷害。
最緊要是你自己能說服自己, 不要逃避，面對現實，你可以抬起頭來"大大聲聲跟她太太說: 叫你老公不要再纏著我，好好看守他吧！
最終以心比己，大家都是女人。

我雖然年紀很小，但我都知道"幸福要自己去爭取"，你的朋友是無權去阻止你去爭取
幸福，而且你要記住你只係去爭取自己的幸福，我相信你同佢一齊係好幸福，可能係
佢才可以俾你幸福，"愛情一消逝，就不會回來" 假如你放手幸福就不會回來。 請你緊記:"幸福要自己去爭取"和"蘇舟過後無艇搭" !

畢竟，這都是你自己的終身大事，你自己好好想清楚吧!

Believe myself !

對阿！你說有沒有你的存在或介入，他們的家庭都是如此，這樣的一個在婚姻上失喪的男人，他的家對他來說祇是一個睡覺的地方而已，如你跟他講清楚衹能两個桃一個，相信他會將太太重新定位，清楚太太祇是一个嘮叨婦人，相信你是深愛他才不介意他已婚，爱情往往是盲目的，但幸福家庭亦是建立在這種盲目但真挈的情愛上，他說對她已經沒感覺是向妳發訊息了，身邊的朋友並不是幸福家庭的成份，如果不介意抱著八个月B B结婚，那麼，讓我這陌生人送上真挈的祝福吧！加油阿，别讓愛情跑了好好把握阿！

如果妳都唔介意我都冇話好說
我覺得個男人講佢老婆出面有第二個未必可信
可能是想同妳好借口而已
妳唔同情佢個bb都為自己著想下啦!

當然分手啦, 男人講既嘢你都好信既! 你唔覺得佢老婆好慘嗎?剛剛先生完BB,老公又出來滾! 換轉你係佢老婆會點呢? 就算比你同佢一齊左, 請問你擔保佢唔會再去識第二個嗎?

i think u 應該放手!