婚外情問題

我是一個已婚的男仕，想告訴妳；婚外情並不需要像妳抱悲觀態度來面對，人除了感情外，還有很多事情值得妳關注和關心，例如妳的孩子、父母、兄弟姊妹以及關懷妳的朋友等。妳有否想過如果有一天妳父母不在時，妳的傷感大？還是妳現時的處境傷感大呢？那妳為什麼為了一個男人就要佢經歷過生離死別呢?

當年我和我最心愛的人結婚，由於工作關係，間中耍到外地工作，家裏只剩下她一個，還以為她會理解我的辛勞，想不到在她工作的地方，她結識了一個比我高大及俊俏的新歡，當時我傷心欲絕，比死更難受，經過母親及朋友的關心，我終於想通了「她離棄我是她的損失，而我失去她是我的幸福」，於是我很冷靜地約了那「新歡」出來表態：「如果你抱玩的態度，那請你放手，因為我十分愛我的太太，但如果你倆真心雙愛，我便是你們的第三者，我願意離開」，最後我寄情於工作，最終在事業建立了基礎及找到我真正的幸福 - 現今的太太和兩個可愛的小孩，而她亦嘗試與我復合而被我拒絕了。

我能站起來，全賴親友的支持，因此我非常珍惜和她們的感情，所以請妳多關心和關懷妳身旁的人，別把焦點放大！多和朋友傾吐，旅遊去吧！管他媽的！。

泰法舍

佛舍簡介 本舍成立已有20多年歷史，專門處理和合法事(如男女愛情、夫妻感情、姻緣桃花等...) 、精解降頭、增壽法事等...所有法事都由泰國正廟德道高憎主理。 主辦人為龍婆花ted入室弟子亞贊金，亞贊金曾在外地學法多年，包括泰國、印度、西藏等…其專長為和合法科。 另外本舍定期邀請各地高僧來港，為善信加持，祈福、增運刺符等等法事。( 詳情請致電本舍查詢！)電話： 9880 9943 阿TIM

我都係同你差不多．．．我同我老公結婚已３個月
因為我有左ｂｂ暫時未能夠一齊住
而且金錢問題．．同２家關係唔好．．所以暫時分開住
但會出街．．點知到近排我發現左有第３者
佢同我老公一齊左唔知幾耐
我真係好唔開心陀住ｂｂ而發生呢ｄ事
佢如果話知錯我究竟應該點做？

我唔鐘意佢ｄ家人同時佢都係．．究竟係咪好難先可以一齊？

我想先問你一條問題，你會唔會飲變左質的牛奶？
如個你的答案是"唔會"，咁我不用講任何嘢，你自己已找到答案！！
但如個你的答案是"會"，咁你要承担飲已變壞牛奶的後果，就像你現在的情況一樣，它令你辛苦、不適、肚痛。
變左質的牛奶，就巳經不再是之前的牛奶，根本不再適宜飲用。
唔可以因為唔捨得扔，都照飲，咁樣係愚蠢的行為。
小朋友都知過期嘢唔食得，呢個一字咁淺的道理。
但如堅持寧要飲壞左的牛奶，那請停止對飲了壞牛奶而令你身体不適的控訴。
因壞牛奶本身無罪，問題係你如何處理它！才是重點。
壞左、變了質就是變了質，要變回原本的牛奶，是沒有可能的事。
為何要死守着它呢？換過一瓶新的，來得更實際，更俐落！！！

我未結婚, 但係曾經我都有一段類似既經歷可以同你分享......

我曾經同一個男仔一齊, 我地識左好耐先一齊, 初初一齊既時候佢好關心我, 好錫我, 可以講話我要咩就比咩我.... 半夜三更我話想食咩佢都會去買比我食... 每一次我同佢去完街, 佢車左我返屋企之後, 佢會楂架車返佢屋企附近, 一泊好車就會即刻打比我, 等我知道佢安全泊好車... 大家一齊左差唔多一年... 我覺得佢有少少唔同左.. 佢送左我返屋企好耐好耐都唔會打比我, 初時佢同我解釋係塞車.. 過多幾日, 又有唔同既解釋, 撞到朋友... 去買野.. 等等.. 但係夜媽媽點會成日晌停車場附近撞到朋友呢? 其實我自己心裡有數, 不過因為我覺得我好愛佢.. 我唯有咩野都唔問, 當無事發生過咁.......

直至到有一日, 我再上去佢屋企既時候, 佢沖緊涼, 佢個電話響, 我見到係佢公司既號碼打黎, 我以為佢公司有事, 所以我幫佢接左, 原來係一個女仔... 我仲同個女仔講, 唔好意思, 佢沖緊涼, 或者我叫佢覆返你啦.. 當佢出黎既時候, 我同佢講公司有同事搵過佢, 佢既反應好大... 鬧我做咩聽佢既電話... 佢仲話, 就算我搵第二個咁又點? 當時, 我咩野反應都無, 無講野, 亦都唔識喊... 雖然忍得好辛苦, 我都繼續忍.... 因為我真係好愛佢.....

到左有一日, 我真係覺得好辛苦, 晚晚等佢電話, 除左佢之外, 咩人都唔想見... d朋友好擔心我, 好多朋友都主動同我傾... 陪我出去行, 行到累就返屋企訓... 訓醒又返工.. 出左識左d新朋友, 我先識醒...... 點解我仲要留戀一個唔再愛自己既男人? 既然人地唔識珍惜你, 係咪自己要更加珍惜自己呢? 有時我地晌果件事發生既時候未必識得咁諗, 但係過左一段時間之後, 你諗返下你死左佢都未必明白點解你咁做.... 而且我覺得為左呢d人犧牲左自己係好唔值得... 好多人離左婚都可以生活得好好... 有好多病人, 好辛苦都想自己既生命可以繼續落去, 點解你要為左呢d人做d咁傻既野呢? 慢慢黎啦, 唔好迫自己, 有時間出去望下出面既世界, 仲有好多野等住你去做架!!

我明白你心情。生離死別解決不到問題
1) 保持冷靜
2) 約佢同佢坐下來好好談
3) 如果佢肯，或者約佢一起去搵輔導員一起面對和處理
4) 睇下佢點解會這樣做，大家想以後點
嘈不一定有用，你會更不開心和重傷。而且可能做就其他人。但一聲不響都不可以，要認真表達自己感受和立場。搞清楚到底佢點解會這樣再打算

忍忍忍忍男人梗係鍾意搵新鮮野食，如果你仲想要呢個老公唯有係忍。