✔ 最佳答案
1. 諗下自已想賣咩, 市場上d 人賣d 咩, 宜家d 人鐘意咩? 評估自己想賣既野市場上既接受性高唔高, 會唔會太另類.
2. 睇下宜家一個舖位大約要幾錢, 商場舖同地舖又唔同, 不同地區又唔同, 你手頭上既錢好影響你既選擇架.
3. 計算下人流同評估一下地方既消費力, 有無生意就要靠佢啦.
4. 搵地方批發, 我會提議你不要找 批發 + 零售既舖頭入貨, 因為佢地一般入貨價都會比較高. 至於要去邊度入貨, 要視乎你既貨種, 要自已做下功課啦
5. 手頭上既錢點分配? 開一間舖, 要上期, 按金, 經紀俑, 商業登記証, 電費按金 (一般商場如果要分電標都會收既) 宣傳 (包括印傳單, 廣告, 易拉架, 商場燈箱, 咭片) 裝修, 貨架, 燈飾, 入貨. 扣左呢d 開支後, 剩番既錢夠你 "無生意" 之下交幾耐租? 要知道生意唔會一開即賺, 可能要守一段時間, 有一筆後備現金會安全d
6. 最後, 俾自己一個低線, 用幾耐時間, 蝕到邊個位就會唔做. 因為一盤無可能長期"守"落去, 無了期咁蝕錢, 不如壯士斷臂, 止蝕離場.
呢d 都係自己經驗, 希望幫到你. 雖然我都無咩賺到錢, 但係呢個係一個十分好既人生經驗同學習過程, 學到好多野架!