[急問]打邊爐有乜湯底同料?

煱底

1) 冬蔭功 - 市面有現成的湯包, 例如超市, 裕記都有得賣.

2) 花旗參 - 最好用原粒, 因為片裝烚烚下會溶, 湯會變 " 傑 " , 預先將參粒用水煲一小時, 略出味, 跟住參味就會愈烚愈出味, 愈烚愈濃, 最後仲可以連湯都飲埋, 無咁熱氣, 連涼荼都唔使飲.

3) 什菌 - 市面有現成包裝乾什菌, 另加一些新鮮什菇, 新鮮什菇要先用薑出一出水, 去去草青味. 鮮味得很.

4) 清補涼 - 一般藥材鋪有湯包或者可以散執, 呢個都係無咁燥o既選擇. 補而不燥.

5) 醉雞 - 鮮雞一隻起皮去脂砌件, 淮山, 杞子, 花彫, 要視乎可接受酒味的程度去加水, 什至可以唔加水. (此湯底較燥, 燥熱者不宜, 高血壓不宜) 酒味濃郁.

6) 菊花荼 - 容易做, 但要用魚袋隔渣嚟煲, 否則啲花瓣阻住會影响火煱o既心情. 清香, 不燥, 較清淡的選擇.

7) 茅根竹蔗紅蘿蔔粟米馬蹄 - 預早滾45分鈡出味, 又一清甜清熱, 不燥的選擇.

其實火煱湯底唔須要太貴, 因水會蒸, 不斷加水, 不值得用得太貴的材料, 反而可在配料可以用得矝貴啲海鮮; 例如靚生蠔, 象拔蚌, 靚花菇, 三文魚, 生魚片, 魚肚 (要先泡發開), 靚花蟹, 基圍蝦. 菜我會選擇荳苗(超正), 鮮甘菇, 日本菇, 白蘿蔔 (超爽甜) 超甜粟米. 肉我會選擇鮮雞件, 羊肉, 鵝腸 (frozen 都可以); 再加一些在雪肉檔有售的各種丸類, 而家有啲醬爆的, 魚唇, 同各類餃子, 炸魚皮, 都係美味之選.

仲有, 您提及的用粥做湯底, 我並不建議, 因為粥會愈搞愈稀, 會愈嚟愈水, 並不是好的選擇呢!!!

我們大埔區有一間非常有名的牛丸舖頭, 走到大埔墟附近隨便問問街坊都知道在那裡, 有時乘坐的士只叫他到大埔墟最出名的牛丸店, 他們便都知道了, 他們的墨魚丸最出名, 很有墨魚鮮味, 有時會見到名牌房車在門口等買丸, 真厲害. 朋友來我家打邊爐都叫我一定買.

有!十分扺死的食法.先煲一煲粥不要太糊的.否則容易黏底.只取粥水做湯底,建議煲大煲D.因烚下烚下D粥水會幹的.打完粥水邊爐把剩下的曰月精華和粥底倒在一起再滾,個啖粥好味得要死!教曉你我有無份食架?哈哈...

有人試過用粥做湯底, just just normal 粥 is okay