請問現在中國山區和農村的醫療情況是怎樣的??

首先要睇邊度既山區同農村,好定差要睇同邊度比較.

基本上,廣東省既山區同農村比內陸既好好多,而內陸山區同農村越窮既越差.如果同非洲D窮國家相比,係比較好既,但係如果同香港比,就差好多.

一個農村有幾多個醫生??吓,邊可以咁計架??如果係用香港既標準,要醫學系畢業既先叫做醫生,肯定一個農村冇一個,可能十幾二十個農村平均都冇一個呀,你惗下啦,響山區,十幾個村加埋先有一間小學(一間小學大概三幾百個學生,D學生好多每日要行幾公里路返學,小學校長好多都係高中畢業,小學老師好多係初中畢業,要讀中學要去到縣城讀架啦,可以想象,睇醫生要去縣城睇,一D都唔奇.

山區地方天然資源少,農業/畜牧業又唔發達,因此,地方窮,人又窮.如果你讀完醫科(讀醫科一定要去到省城讀大學啦),你會唔會願意返去鄉下,可能一個月冇幾個症睇,就算有症睇,D農民又俾唔起錢,收幾蚊睇個症,或者D病人跟本就窮到幾蚊都俾唔起(病自然都冇體力做體力勞動啦,唔勞動又點賺到錢呢),你當然會選擇留響城市做醫生.

持續落去,當然就係惡性循環啦.有冇聽過"越窮越窮,越富越富"oY??山區既人要賺錢,好多都出城打工,咁山區農村剩低D乜野人?老人家啦,細佬仔啦,財富都唔會去到山區,咁山區又點會發展?唔發展又邊有人會留響度?