日本溫泉??有習俗規定 紋身 者不能使用何解???

問過幾位日籍老師，她們說原因大致分為衛生上及心理上：－

衛生上：－

日本人以前流傳嘅諗法： 紋身＝肝炎（唔知點解會係咁，可能係乙型肝炎之類嘅其中一個傳染途徑係嚟自血液接觸，而紋身正係有機會中招嘅途徑之一），所以驚有紋身嗰啲人係肝炎帶菌者而謝絶貴客到訪。


心理上：－

當然係佢哋傳統覺得有紋身嘅人可能同暴力團體有關係，所以為免趕客，有啲較傳統的高級溫泉區真係會企硬，唔俾紋身人士幫襯（仲要係不論男女，本地人或外國人，紋身有幾大幾細都唔俾），甚至有啲公眾浴場（即「錢湯」）都係咁。

不過對於有啲紋咗時下流行嗰啲「One Point Tattoo」（即係得一處部位有個小小嘅紋身嗰啲），最近有啲溫泉都會俾呢啲人入，但係去之前最好都係問清楚先。

2006-12-25 12:47:28 補充：
呢度有個list,列出喺日本邊啲地方歡迎有tattoo嘅人光顧嘅溫泉／泳池／公眾浴場等等，雖然係日文寫的，但部份都有英文介紹，又有漢字，你可以check吓先：－http://www.tattoo.ne.jp/spot.asp

如果你唔怕比人趕番出來0既可以博一博入去0既
因為我男友話見過有有紋身0既人入去浸溫泉...
可以佢地覺得紋身會污染佢地d溫泉水掛