其實呢四個地方你可以兩日內去晒, 亦唔使走馬看花燈:
一日: 一朝早去九份, 係台北車站買火車去瑞芳, 車程約45分鐘, 記住去台北火車站個網頁睇列車班次. 如果要有坐位, 一定要提早一至兩日買, 因為好爆, 但我去三次都無位, 坐係車門地下, 都OK.
約九點到九份, 可以玩到下午兩點, 再由瑞芳轉平溪小火車去平溪, 一去去到總站菁銅, 無咩野睇, 但舊村落, 幾靚,影相唔錯, 留意小火車番出去既班次, 0的車準到嘔, 好易MISS. 再玩去十分, 十分要多小小時間, 因為要行來回九個字既十分瀑布, 好靚, 入面有個小公園, 可以睇下咁, 之後係平溪就到黃昏, 就可以放天燈, 黃昏仲靚過夜晚, 四周圍境色好靚!!! 之後八點左右回程, 仲可以去士林夜市添!
二日:淡水漁人碼頭, 安排係同一日, 因為係同一到地方.撘捷運既淡水線就可以去到總站, 勁方便. 之後再有小輪去漁人碼頭. 但未必可以玩到一日, 可以晏小小去, 因為黃昏既淡水係最靚 :)
推介境點:
九份: 一定要搵間高既茶館飲茶, 露天最正, 最九份. 記住, 好多人只係係九份商店街行一個圈就以為完, 其實仲要落樓梯去真正既悲情都市, 有指示牌, 好易搵.
平溪十分菁銅: 山山水水舊村落, 好靚, 影相一流, 又舒服. 但記住, 入面係搵唔到的士, 所以100% 要留意小火車既班次, 我上次中招, 要麻煩好心村民送我地出去...
淡水漁人碼頭, 市集, 要食亞給, 因為真係好好味! 買手信, 幾舒服!
參考: 個人六次台灣旅遊經驗