我的八哥有皮膚病呀, 想問下大家有冇d好醫生介紹同埋費用大約幾多!!

🐈 寵物台狗

YAN

2006-12-19 11:17 pm

我隻八哥前2個月左後腿腳背同埋心口起左一撻撻黑色野, 之後抓到損左, 咁就帶左去佢荃灣獸醫診所, 之後醫生羅紫光燈照左一照話佢係生癣, 開左D藥同埋黃色既藥膏, 開左一星期藥, 食藥期間係有好左少少..之後KEEP住擦藥膏, 情況冇好轉不特止, 仲有其他地方都開始有咁既問題, 即時再帶佢去睇同一個醫生, 醫生照樣開同一既藥同藥膏, 話癬係好難完全醫好, 同埋個度D姑娘係咁SLAES藥性沖涼個D, 咁我地本身都有呢隻沖涼, 我地唔要, 姑娘態度即時好差(後話), 到現時情況都冇好轉, 我同家人懷疑唔係癣咁簡單, 想問下大家有冇試過咁既情況, 幫幫手

同埋想大家介紹下荃灣個頭既獸醫同埋價錢如何, 因為我見個頭D醫生, 價錢參差D幾勁

荃灣獸醫呢間真係唔會再去, D姑娘真係態度極差

回答 (7)

用戶3739

2006-12-20 8:25 am

✔ 最佳答案

生癬好大獲, 會惹人, 我就睇左成千蚊醫生都唔好, 因為你狗狗生係後腳, 搽完葯高佢會舐返, 所以你要買件套腳風褸, 每次搽完要幫佢著, 焗一晚好返好多, 同埋每次搽前要用濕毛巾將舊葯高抹走, 個身d毛要剷咗去, 如果唔係搽約高都吸收唔到

其實我初初都帶狗狗去睇獸醫, 但實在太貴, 每次差唔多成千, 我係寵物城買咗支葯高幫佢搽, 而家好返好多, 佢叫我搽夠半年, 因為癬可寄生, 一停可能又再起過! 一支都係八十蚊, 夠搽大半個月!

另外用專洗癬既沖涼液幫佢每隔三至五日沖涼, 每次up十分鐘, 但我每次都up唔夠十分鐘架! 用漂白水洗佢個籠及拖地, 比多d雞肉佢食, 增強抵抗力, 唔好比牛及旦佢食喇, 要戒口嘛, 你唔好抱佢呀, 我就係咁惹到成身係!

獸醫的話去太平道寵物診所搵麥子健啦, 其他獸醫我都唔信架喇

👍 0 👎 0

~ sEiKo ~

2006-12-27 1:51 am

你好~~

我都有養八哥，我個仔之前都試過咁，情況一模一樣，之後朋友介紹下去左『梭椏道』睇DR.TINT (唔記得有冇串錯)，原本佢係因為香港D環境「潮濕」唔夠乾爽，之後佢開左一個療程的藥，狗狗無左咁痕，好在好多啦~~

梭椏道寵物診所 - 2760 9663 ( 記得話搵 DR TINT - 男醫生 )

👍 0 👎 0

kit yiu

2006-12-20 10:44 pm

你去買一隻叫karma啦,我朋友隻八哥都有同樣問題的,同埋你最好睇多個醫生,去城市獸醫啦,千祈唔好去嘉匯呀,d醫生勁流,又濫收費用,差到痺

👍 0 👎 0

鈕鈷錄如玥

2006-12-20 9:06 am

不如妳試吓帶狗狗去呢間睇吓!我自己兩隻狗狗都睇開呢間,係知識裡的一位綱友介紹!

荃灣享和街84號安豐大廈地下,"享和動物醫療中心"
電話是:2490 3732 急診:7388 8076
診症時間(敬請預約):星期一至星期日,上午十時至晚上十時

有三位醫生:
1)張海雄醫生(dr.tiong hai hean,eric)
2)陳學維醫生(dr.tan shyue wei,nicholas)
3)陳亮超醫生(dr.chan leung chiu,raymond)

我兩隻狗狗打預防針都係係呢間獸醫診所,診金$180,其他另計!

👍 0 👎 0

Josephine

2006-12-20 6:39 am

我想問你平時幾耐同隻狗沖涼?

2006-12-20 23:54:07 補充：
隻狗都算大命，比你咁樣玩法，8哥都要剷毛???剷毛會剌激皮膚，如果長毛狗皮膚嚴重真係要剷左黎睇下，或浸藥水搽藥膏，但8哥D毛長有限呀。

👍 0 👎 0

睡公主

2006-12-20 1:04 am

係咪係什麼多彩酒樓隔離呀.
我隻狗仔西施都係看皮膚病.同EAR發炎.
都幾好WOR.

👍 0 👎 0