送自己鑰匙俾對方代表咩?

奇怪奇怪，"送自己鑰匙俾對方..." ，你咪無門口入??
(講笑)

點解你"送"鑰匙都要問人呢? 我睇得出你係"情不自禁"，好想同佢有進一步關係，不過你係有顧慮，對不?所以你連呢種私事都問人

你可以先參考朋友的意見先

不過如果你問我，我會覺得兩者無衝突

"送自己鑰匙俾對方代表對方可以隨時隨地入自己屋企" <- 呢個係邏輯層面

"對方係自己心目中既位置(提高) " <- 呢個係心理層面

都唔同layer~!

"配自己d鑰匙俾對方" 就正如你所講果兩個意思

差唔多係同居，差在佢有無/可唔可以搬入你屋企住


試從邏輯層面分析下
其實佢入得你屋，即係佢有權觀察，甚至移動你既個人物品
而尊唔尊重你係佢既抉擇
你對佢任何隱瞞都有可能被發現，可能係好,可能係壞

試從心理層面分析下
佢會感覺到你對佢信任度提升，同時佢會認為你想同佢進一步發展
喱個時候往往係心理關鍵位
根了解，人面對變化，十居其九選擇避免
除非人心裡盼望這個變化，否則會有輕微至強烈既抗拒!
(當然你最清楚佢性格)

所以當務之急係測試下佢內心點諗

你可以試下問佢有無試過見唔到你果陣掛著你
又或問佢鍾唔鍾意你屋企個環境
亦可以問佢想唔想多d了解你
當然男女有別，你調教下問問題既方式同態度，問得唔好咁直接
但建議"講講下到題先問"

從佢比你既自然反應，你可以對佢內心略知一二
例如，佢反應驚訝，代表佢無諗過
佢反應高興，代表佢想同你進一步(最好既情況)
但佢反而問你點解咁問，代表佢係對你對自己係有盤算，唔係全心全意對你
如果佢真係若無其事/冷淡，代表佢無特定取向
如果佢表現得同平時唔同(假)，佢可能對你突然問問題既行為，有所防備(最差既情況)

注意
切忌同佢o係呢d問題上爭執，因為你既目的係想了解佢，而非改變佢
你要自己個內心好想問佢你先至問得自然
拍拖雙方面，唔可以只理自己，要同佢配合到先得架!

快d了解下佢la

當然你對佢/佢對你只係玩玩下，咁就唔好攞鎖匙泥玩，切記!

能夠隨時入對方的家
證明了在雙方的心目中已佔一個重要的位置
因為「家」含大部份私穩

代表你對佢既信任。

妳係送鎖匙既人，但妳自己都諗唔到代表d咩，咁即係對方更加唔肯定。
既然係咁，妳咪唔好諗咁多，送左咪算囉！
對方覺得妳代表咩就咩啦。如果對方問妳，妳咪答「唔知呀！」咁囉！

送鎖匙只係投石問路，留意對方既feedback，然後妳點樣繼續互動先係關鍵，亦係真正既樂趣所在。

如果係人地送條鑰匙比你,你就話會唔知佢咩意思je.
但係而家係你送鑰匙比人wor,你點會唔知呢?
一般ge情況,送鑰匙比人都真係肯定左對方ge位置,
比佢係你屋企自出自入,唔會怕自己d野比佢知,
真係好close ge關係至會送鑰匙.
就正如你ge屋企人同你咁close,就梗係有鑰匙.
咁你個partner同你係咩關係呢?
你係男定女先?
如果你partner已經係情人,
咁你送鑰匙比佢就表明你地關係已經好穩定la.
但係如果唔係情人,咁你送鑰匙比佢又奇怪左d,
佢又會唔會收呢?
當然,呢d都係我自己ge感覺,
始終你自己諗ge同我可能有d出入.
其實你問下自己點解想送鑰匙比你partner?
你係中意佢la~但係點解咁多野唔送,
係要送鑰匙呢?
其實係咩原因你自己都講左:
「送自己鑰匙俾對方代表對方可以隨時隨地入自己屋企
定係對方係自己心目中既位置」
其實隨心所慾就可以,你想送key就送la~
但係如果佢未同你一齊就要當日表白左先送wOR~

我覺得這代表對方在你心目中是很重要的位置。

其實你心裡面已有答案
何須咁多顧慮呢 !

你好信佢掛．．．
一係你當佢吾係普通人－０－