有養貓巴朋友請進 急問

其實前果位已經講出你的問題,不過我會補充少少。
@有什麼係必須要買?
~用來載食物和水的器皿,貓砂,貓廁所(買有蓋會乾淨d),貓糧,貓床,玩具(可買貓草公仔和羽毛棒),梳,指甲鉗,磨爪柱,洗耳水...每隻牌子及size不同會唔同Price....
以我買時約(1隻貓計)：器皿2個$70,貓砂$30,有蓋貓廁所$200,最小份量貓糧$30,貓床$80,(有一個膠籃鋪"咕唇"和被子也可$20-30)貓草公仔和羽毛棒玩具$50(可DIY),梳$35,指甲鉗$15,磨爪柱$180,有2層高有個"娟洞"位,洗耳水$70.....請自己計Total ！如果太貴可以買些簡單的貓爪柱,幾10元便可,貓廁就要買大,因為貓真的大得好快..
@貓沙方面, 邊類會較好?
~可買富貴或貓砂樂園,有多種香味選擇,約30元一包
@食糧方面, 邊隻比較好?
~royal canin for kitten,bb糧較好,建義唔好1次買好大包,因為如小貓肚瀉敏感而轉糧就好浪費,但貓BB未食得糧時就要買貓奶或糊比佢食,之後先用水浸軟d硬糧。唔食咁雜d便便就會咁臭
@可唔可以將它食既地方同如廁既地方分開?
~最好就分開啦!你都唔會在廁所側邊食飯啦!廁所應放置於安靜少人路經的地方,因為貓亦有私穩的,而且佢地便完會埋砂,有機會d砂會踢左出去,跌落貓糧度就唔好...所以如果露台係安全,唔會跌佢落街就無咩緊要..
@點樣先可以教識佢懂得用沙盆便便
~小貓初回家真的不懂用貓廁,你可在每餐後抱牠入去,給牠習慣和認識這是如廁的地方,但也有的會四圍大,小便,你可用紙巾抹上氣味,然後放入貓廁,下次牠會入去臭臭,嗅到是自已的地盆,自然會識,,,,但有些貓較差就要慢慢來,要有耐性教導,遇有別處便溺不要罵,牠也不想,但憧得在貓廁內就要獎勵,可摸頭仔說叻仔....說多幾次便知你贊牠。我的貓仔也試過在我的床,sofa,地下,籠內大小便....過左1個 月先懂...
@幫牠打預防針同身體檢查, 邊間診所比較好 ? 身體檢查 其實要做d咩 ? ...
~元朗區我不熟識,香港區我較熟,sorry!
貓要3支預防針,半年內完成,body check時探熱,無發燒才打針,check耳仔,眼睛有無發炎,皮毛有無蚤,癬之類,聽呼吸和杜蟲....通常body check不收費,打針,杜蟲和先收$,預約$500-800,唔需要留佢一日,小貓6個月後可替牠絕育
@天氣變冷了... 可以同貓一齊訓嗎 ?
~如果貓痴你,佢會和你一齊睡,尤其冬天.....好暖啊!不過就唔係太衛生...不過我果3隻貓仔,由2個月大到現在2歲都上床一齊睡,但要上床前抹手脚,勤換床單...其實佢地肯上床一齊睡,感覺真係好窩心,因為只肯跟我....如果你唔想,可留貓貓在廳或床邊睡貓床,怕牠凍可放張被仔墊著,或買張有頂的床,會較暖
~~~最後別忘記家裏是否有窗花,小貓是否可過到,因為好危險,如果無就考慮裝貓網啦!
希望幫到你,有唔清楚可e-mail問我或交流心得!
可借書參巧啊~~~

我係養開貓的. 有以下見解:--

--砂可以試下[富貴], 平靚正! 唔使用貴砂. 乾淨程度差唔多的.
--糧就食 royal canin 啦. 我個獸醫都話好. 食到我隻貓肥肥白白咁.
--唔比雜食及濕糧隻貓食. 自不然 D 屎冇咁臭 ka lak. 獸醫話乾糧已有齊營養的了.
--食同埋如廁地方, 分唔分開都得 ka. 其實有貓砂, 根本冇味. 咁當然要你隻貓貓蓋得好啦.
--貓貓6個月大前要打3支防疫針的. 1個月1支. 之後1歲先再打. 再之後就一年一次.
--你記住等佢3個月什至乎3個半月後"界"晒奶先好抱佢返屋企喎. 否則未夠營養 ka.
--初初先買幼貓糧比佢先. 1歲後開始逐步轉成貓糧. 要少少咁溝糧慢慢同佢轉喎. ok?
--第一次需買貓砂啦, 幼貓糧, 砂兜, 小床一張, 抓板, 洗眼及耳水啦, 棉花球等.
--棉花球用黎幫佢清潔耳朵及眼仔的. 你去寵物店買開野. 問下 D 姐姐啦. 佢地會教你的了.
--如果係短毛貓, 就一年沖2-3次涼 ok. 長毛就4次 lor.
--最好唔好同佢訓, 因佢點都有 D 細菌 ka ma.
--貓貓1歲前會學指令. 學左就會終身記得 ka la. 你要趁佢細早 D 教佢 la.
--我隻貓都識 sit / no no / up.......咁 lor.