計糧問題急

💰 財經台其他 - 商業及金融

[匿名]

2006-12-19 10:27 pm

我9月番左份工~番3日之後我收左工番左家，佢打比我同我講話覺得我都係唔係好適合，話計埋d糧比我...
其間我打去追左好多次，佢都話呢個星期寄支票比我，最後...我12月頭先收到!!!
之後見到D $，我唔明佢點計，我6K一個月，就算佢再CHEAP，都係計6K/30甘樣計番3日比我，張票就得500幾，我想打番去問佢點計，點知打左幾次都話老細不在!!
其實有人同我講，甘既情形應該一樣要賠7日代通知比我，但我覺得起碼追番岩D糧LAW，唔係果幾廿蚊既問題，係佢太過份既問題!我番3日工~日日都OT，而家甘樣，我時薪平過M記!!同埋9月番既工~12月先收到糧!!係咪有D太過份呢??

有無人可以教我可以點做，同埋我理解佢點計糧有無問題??

更新1:

我今日打番去問佢~ 佢竟然同我講~你甘唔滿意咪去投訴我law~~~ 好串!!!!!! 我聽日就去勞工處!!! 佢話計錯左我9月有31日wor...攬錯...甘既理由都得!!!! 我剩係佢拖我糧都已經可以告佢!

回答 (2)

用戶101955

2006-12-19 10:45 pm

✔ 最佳答案

間公司實在太過份啦，廿幾蚊都唔比，重要咁遲，下次超過七天不出糧，你便應該去勞工處尋求協助啦 !!! 而家公司已經比左錢，去勞工處都無用啦 !!! 再者，法例沒有列明工資的計算程式，所以沒有法理去支持你的追討，重有，去多幾次的話，連車錢都蝕埋喎 !!!! 唔化算架。當比乞兒啦 !!!

👍 0 👎 0

JOE

2006-12-19 10:44 pm

計糧標準大概係(月薪/當月日數*上班天數)基本上你要明白你戈間公司ge放假基準....正常呢就每上班6個工作天...第7日就有權利享有有薪假期....同埋呢...有好多小型公司係唔會補償解僱金....仲有呢....你是否處於試用期內?試用期內僱員表現不合乎僱主要求.....即有權不補償所有解僱金......仲有呢就係......有好多公司係你未做夠7日都有權唔出糧俾你ga....正式員工同試用期內的待遇亦都係唔同....而ot...有d公司係會廣清楚會計錢?定補假....睇行業而定啦...有d都會係負計時數.....係你有事需提早下班而彈性處理

結論係:你想告佢...通常都係冇乜可能ge事..佢計埋俾你已經算正常了....你係理解上亦都有少少問題囉....

2006-12-19 14:52:47 補充：
你果幾廿蚊可能遲過到啦....或者做左社保之類啦

參考: 以上個人見解+親身試過......

👍 0 👎 0

收錄日期: 2021-05-03 12:38:06
原文連結 [永久失效]:
https://hk.answers.yahoo.com/question/index?qid=20061219000051KK01353

檢視 Wayback Machine 備份

計糧問題~~急~~

回答 (2)

計糧問題急