讀城大的國際商業（japan study)既出路(10分)急問!

好問題！（點解無人答？？）

我唔熟account方面，但係我比較熟日文果方面。

你呢科應該係degree？？唔知你同我當年揀既係咪同一科，我當年只係得副學士。

可以甘講，因為呢科係主力bba果方面既學科，日文一定無可能話讀到同人地major japanese既程度一樣
因為重新學一種語言唔係話兩三年就可以學得好，你諗下香港人學左甘多年英文有幾多成人英文係真係好好？？


返到正題，如果你希望係日資公司工作，其實唔一定需要日文，我interview果陣有去過「伊藤忠」（日本數一數二既上市大公司），hr果個人都唔識日文。
但係如果你希望你做既post係「japanese speaking」，我可以好肯定甘話你知，city既japan study一定唔夠。

據我推測，呢科出黎最多都只係學到2級（而且係成績好top果班），一般都係得三級左右，要做到apanese speaking既post，最低係2級，而且oral listening 要好好。

city呢一科讀完之後理論上會去到level幾，你最好問問呢個學科既負責人。

當年我去過city日文副學士果科既breifing，距地話「基本上係二級」。

但係實際上係連二級都未必有，因為我而家做呢間公司，in我呢一個post，in左二十幾個人，hr後尾話返俾我知，agent refer過黎果渣人（japanese speaking 既post多數經agent請），尤其city果d，好多都無cert，大概都係得level 3左右，就算有level2既，唔知點解實際上完全無level 2，oral、listening等等完全唔掂。

jupas最後係offer左city 日文asso俾我，但係我最後都係放棄左，走左返大陸既大學major日文。結果我用兩年半時間就考到一級，interview既時候d僱主一般既反應都係話我日文講得非常好，當年搏一搏返大陸，結果都無令到我失望。因為日本公司大部分既生意都係大陸，請個返過大陸既香港人，距地會覺得做起野黎方便好多。而且我而家既salary level係比起其他本地大學生都高（因為係按照japanese speaking green hand既市場價黎pay，唔係一般本地學科可以比較）


唯一既缺點，我諗係去到in一d睇重「名牌效應」既大公司既時候會蝕底d囉，不過如果你有能力既話，去邊度讀都ok架。

希望呢d可以俾你作到個參考啦~~

2006-12-20 13:27:43 補充：
「可以同到日本人講野」，其實無話一定要有幾級能力，因為能力試唔考oral，所以有一d人就算jar住一級證書，同日本人講野既時候都口啞啞。我係0係香港既日本公司做野，唔係0係日本，actually除左form 5果年我去過日本旅行之外，學左日文之後我未去過日本，不過公司明天春天係日本總本有展覽會，我可能有機會過去一陣。我公司既其他local staff，原本唔識日文果d而家都學緊日文。

2006-12-20 13:29:25 補充：
香港黎講教日文最好既地方得幾個（唔計大學課程），不過我自己無係香港讀過，都係聽同事講，你參考下啦1.日本語講座係日本領事館攪既，成個制度好嚴謹，唔似得出面d x經、亞x亞日語學校甘讀完一期就俾你升二期，日本語講座每個學期都會有考試，考試唔過就無得升班，由完全無底至到考到一級，大概需要六年（應該係話full course係六年），當然如果你學得快，可以提早自己去報考一級既。同埋日本語講座因為係日本領事館攪，有日本政府支持，每個學期都會有去日本做交流生既名額，以前無甘多人學日文果陣就容易去好多，而家多左好多人學，所以去要掙名額就要努力d啦

2006-12-20 13:29:40 補充：
上堂時間大概係一個禮拜上兩堂，早午晚都有，但係揀定左時間就無得話轉就轉囉詳細既你上google一查日本語講座就會有資料出黎，會址係中環既馮氏大廈另外，仲有港大校外進修部（一個禮拜上一堂）、成大校外進修部、中大校外進修部都有日文既課程提供，個人認為呢d課程會比一d私人日本語學校提供既好囉。最後當然睇你有無心學啦，日本語講座/大學校外進修部提供既一d課程限制會比較多（考試等、課程時間等），學費亦可能會比較貴，但係就比較正式囉。ps，我既msn已經透過「給發問者寄信」功能，寄左去你登記yahoo知識既e mail acc.度，pls check