養貓貓 !?

你係咪問過？

首先第一件事你同你媽咪都要搞清楚﹕你係會愛隻貓定愛傢俱(或家中其他物品)？如果係愛後者，我勸你唔好領養。

無論你點小心，貓都有機會整爛你d o野，以我d貓為例，佢地叻到識開我個衣櫃("燙"門)入o左去咬爛我最鍾意件衫，但係我都無法子(除非即場見到，唔係你事後鬧貓佢都唔知你鬧乜)。

梳化唔係無得避，不過你可能需要車塊布去遮蓋晒成張梳化或者即頭換一張係貓r唔爛布質(同傢俱店講)。

我有俾貓爪板我d貓，但係貓一高興起上o黎佢連我屋企d牆紙都r。

所以你同你媽咪以致你屋企人都要決定，唔單止沙發，到底你地愛貓可唔可以容忍到佢以下行為(舉例，有d曾發生在我身上)？

1. 你洗好或者你想換o既衫d貓訓得好開心，結果d衫痴晒貓毛
2. 你倒o左杯水，有隻貓跳上o黎飲
3. 你打打下電腦有隻貓坐響你keyboard上面
4. 你屋企d電腦椅、飯桌椅等俾佢地磨爪用
5. 你d手袋變成佢地o既磨爪器
6. 有流鬍o既袋、衫，佢地興奮到咬斷o左
7. 幫你掃晒桌面d o野落地，搞到你乜都要收埋晒
8. 成屋都係毛
9. 家中因為佢地要加diy窗網或搵人整
10. 當你抱佢時，佢受驚出爪r到你。

爪o野係貓o既天性，如果你容忍唔到佢r爛你d o野…我諗你都係買隻貓公仔返去會較合適。

千萬唔好抱住「試下先囉」o既心態，我怕你到時「試」o左唔得，隻貓貓點呢？方法唔係唔叫你用，而係你要肯定自己和家人萬一任何方法都唔得(貓貓都照r)你地都會繼續養貓貓，唔會唔要。

p.s.我d貓將我最愛o既加菲公仔腳上黑色線咬斷，我同樣都尤佢。

貓咪的磨爪行為

對於貓咪來說，利爪是身上最重要的武器，也是爬樹、獵食和劃分地盆的工具。所以磨爪這種行為可算是貓咪的本能，如果不讓貓咪適度的磨爪，長長的利爪會長到肉墊裡，非常疼痛。此外，磨爪子的行為可以讓貓咪消除緊張，穩定情緒，更可以維持身體健康。因此貓主應該提供一個適合磨爪的地方，否則你心愛的傢俬便有可能成為貓咪磨爪的對象。

到寵物店買貓抓柱係最好的方法, 因為貓貓抓梳化其實係"手痕", 想磨抓, 而人的梳化的體積, 高度同軟度好0岩佢地, 所以佢地先會揀梳化0黎抓. 有0左貓抓柱後, 貓貓就會轉移目標, 去抓柱啦~

其次, 可以用噴壺0黎嚇佢地, 貓貓大多怕噴壺, 如果佢地抓梳化, 可以第一時間用噴壺噴佢, 等佢驚, 等佢知道抓梳化係會"咁恐怖", 再加以教導, 貓貓就唔會再抓梳化啦~

帶抓套唔係唔好, 但會令貓貓無0左天性, 而且上面位人兄講得0岩, 會令貓貓行路有問題, 不宜嘗試呢!