奉獻問題奉獻問題

瑪拉基書3章10節提到 "... 你們要將當納的十分之一, 全然送入倉庫, 使我家有糧... ", 內裡o既 "全然", 令好多人會話將全部都奉獻去同一地方...而呢個 "家", 好多人就解釋為所屬教會, 所以, 就變成聖經一定要我地將10分1o既奉獻全部奉獻晒比自己個教會...

當然, 呢個做法亦都正常, 因為呢個係最直接最簡單o既奉獻方法... 每月就拎人工1/10出黎, 奉獻比自己個教會, 讓教會有經費去作神o既事工...

但事實上, 係咪多個1/10 or 少過1/10就唔得, 唔係比晒自己教會就唔得?

我引用o既文章講得好好, 佢話係人將神o既家拆散o左黎解.... 教會係合一的, 大家都係神o既家, 所以, 奉比自己個教會, or隔離街個教會, 其實係一樣的, 因為根本就係合一o既教會.. 基督教團體亦都一樣... 不過記住一定要係基督教o既團體辦o既, 唔好奉o左去其他宗教o既慈善機構 (當然您亦可以去捐助, 只係唔當係奉獻一部份o者)...

捐多少, 係講心意... 1/10, 係一個guidline, 比人有一個根據去行, 呢個亦可以係基督徒最基本要做到的, 因為所有金錢財富都係由神而來, 1/10比返神, 好合理... 唔好因為自己今個月要買多件衫就留起500蚊咁, 咁即係件衫比神重要... 如果您係甘心奉獻, 神唔會令您因而冇飯開的...

至於全部, 我諗您亦須要衡量您O係世上O既生活所須, 唔駛太過急於將所有比晒神, 否則神就會O係聖經叫我地全部都奉獻出黎, 而唔係1/10.. 金錢管理得唔好, 都係會失O左見證的... 將收入比一O的屋企人作家用, 或買O的野比佢地, 都係一個好好見證神O既表現, 因為神要我地孝順父母的...

以我自己為例, 我就每月1/10 奉獻比自己教會 (都有時做唔到的, 很慚愧), 因為呢個係我基本奉獻比自己教會作常費用... 一間教會開支都好大的...其他O既捐款, 有感動就去捐好了.. 我亦有另外助養兒童及動物的, 呢O的我就冇算入自己O既奉獻數目到... 因為, 只要係甘心樂意去做的, 神就會喜悅, 看顧, 唔駛下下計到足的...

如果您想搵個地方固定咁比您奉獻, 您可以奉獻比一O的大O既基督教團體, 佢地會用經費做好多神O既事工, 例如辦學啦, 建立教會, 聖經翻譯, 幫助世界困難人民, 支持宣教士, 地區工作等等...呢度有o的資料...
http://www.worldvision.org.hk/
http://www.salvation.org.hk/chinese/
http://www.ccconnected.org/support.htm
http://www.chinesebible.org.hk/donation.asp

你當然可以全奉獻給 慈善組織
只是我們應當十一ga，但唔係非十一不可lor
有d野要自己衡量下lor
我suggest你去樂施會or影音使團
因為可以選擇一次性或者一個月固定金額

我認為，神把財富給我們，我們係管家，要好好管理，如果是但俾晒自己堂會算啦，反而就太求其了。
只要你心裡感謝著奉獻，明白一切是出於神，又獻給神，獻去邊都ok！
吉之島就有好多捐款相啦。再唔係去宣明會網頁看看，申請自動轉賬助養兒童也是不錯的選擇。

神既家..即是教會~

聖經中曾說, 我們應將十分一獻給上帝.
至於那十分一是不是應該給教會? 我一向會覺得教會是我的家, 故我要先將十分一給教會,之後把有餘的才作其他處理. 正如你每個月都會給家用你的家人一樣. 不過當然, 如果你沒有能力去付出十分一的話, 相信教會方面亦不會怎樣.

不用全部掛, 咁你食咩? 用咩? 反工不用撘車嗎?

我是將我的人工10%給基督教的慈善組織, 例如, 更新會, 褔音戒毒中心等. 我是因應教會或褔音機構的需要與否而選擇奉獻給誰.

聖經只提及十份一奉獻, 但並沒有指定給教會或是基督教的慈善組織.

2006-12-19 18:30:18 補充：
我會在每個月出糧後由銀行入錢給基督教機構, 然後fax 個銀行收據給他們, 他們便會寄收據給我.

奉獻不一定要給教會，慈善組織也可以。

聖經沒有說一定要給教會 (假師父才如此說)，至於給何組織、給多少，還是求聖靈指引吧！
凡引瑪拉基書以証明基督徒要奉献十一，並一定要給教會的，都是不明白新約的假師父，他們不明白恩典和律法的分別。

2006-12-24 16:24:53 補充：
很多人奉献所有財產、並其一生去宣教，更多人努力賺錢養妻活兒；只要在神前有清潔無愧的心，我想神都喜悅，神看人心多過看其奉献銀碼的多少吧！