老公家人過身在國內, 咁返唔返得外家?

習俗就是習俗,并非此習俗必會令一切事物跟隨而有不好的影響的.習俗其實是不停的跟隨時代而有所改變的;不要因守習俗而太過影響自己或身邊的人,如果是長期需照顧的長者,是必需時刻看望及照應的.本人是業內人士(正一師父),我們除為先人做法事外,亦會因應[主家]之{各鄉各例}或個人特別情況,而作合情合理的指示做習俗的{遵循}.照睇你的問題...你冇講到老公家人是誰?其實是不能很正確的作一指導....現嘗試研究研究:假定過身者是直轄親屬(如父母)(1)亡者之{子.女.媳}需在墳地旁守孝三年.這樣的已經是很古老之舊式習俗,現在一定冇人咁做啦!況且在國內亦應冇土葬.根據此情況,既然不能依循舊例,咁就需因應現今時勢而作一些可做而又大多數人接受之措施應對習俗則可.又,你冇去送葬,即你冇在靈前上孝,你是可以照常去照顧長者,上班工作,送女返學,買餸菜.....等等.不過,你應在一百日內勿主動進入朋友家中(如佢家中是有恭奉拜神的).但佢唔介意嘅話,冇問題!(主要係怕人地有乜事會姓{賴}咋!).你外家可去探望,除非你父母太{迷信}及太{勢利},佢地唔喜歡你返就冇辦法啦!!

2006-12-19 15:51:33 補充：
(100日內)如你外家有喜慶事你在這期間是不要參加的.

如果以傳統黎講係唔可以(一年內計), 但係而家一般都無跟足(以100天內計). 其實最主要係睇下您屋企人介唔介意. 好耐之前, 我老公有個家人都響度, 我屋企都同我講, 百無禁忌. 佢地唔介意我返去. 不過, 我就無去其他人屋企.

依家只要一個月唔好去人地屋企, 人地來你家就無問題
好似話唔好去夜街一個月
不過都係你覺得安心咪得囉

最好唔好, 習俗上, 你要係一年內(傳統d計, 而家呢年輕一輩都會三個月), 唔好去人地家, 當然人地都係

出去飲下茶都仲得, 千萬唔好唔信邪, 我細佬就是人地屋企有人去左, 佢去人家中左招