現今籃球打法既趨勢,同問題,希望各位黎發表

其實你都講左個重點
d人打波(街場)都係臨時拉夫 個個人都唔識大家 跟本無默契可言
最直接就係爆籃 但通常 d人爆得 2-3場 體力必定下降 再加上 如果對手補位意識強的話 爆籃跟本冇意義 最重要係 街場跟本無Free throw 射 咁俾人foul 又如何 咪又係 再開過波

但如果你打開一班人 夾慣左 大家知道彼此特點 咁就好玩好多
其實唔一定係FD 先可以夾慣 你打街場 有d 人都成日打 咁如果你地打開 都認得對方 係咪射手 咁咪知道應該點打

其實如果你 一場打十分 你射入幾球後d 隊友都會對你有信心俾你射
仲有 射波準係好重要 因為假設隊友俾人 double team 咁佢傳出黎有個射手 會易打好多

剷籃 主要成功的主要原因 我認為係 當進攻球員 和防守球員 身高相差好大 先至比較有優勢 當然速度都係關鍵 但我相信速度大家唔會差太遠

香港的年青人 都比較瘦小 其餘剷籃係無優勢
你如果同一d 大隻型的人打 你跟本爆唔到佢地 例如外國人 或一d回流的香港人 都比較大隻 你唔難發現佢地打波係好硬淨 防守嚴密

所以我覺得香港d年青人 爆籃只為型 同掩飾佢地射波屎

你射波準 其實好多人都好妒忌

所以其實兩種角色都好重要 唔使理人點諗

以我個人愚見，好多打街塲啲人都是臨時組隊或有熱誠，冇訓練，除咗個人技術同見空位就走，根本不懂甚麽戰術組織。我亦試過很多次打街塲臨時組隊，做埋單擋幫手，啲人都係鐘意帶住粒波走去啲空位再剷埋去，有乜辦法！

啲人鐘意剷籃，係因為少練射波，剷籃易入，又有型。講真，我個人認為只要做個靚組織入波，籃底、中遠距離射入，都一样咁有成功感。

既然你最強既就係射外圍，冇理由有空位唔射，除非籃底嘅隊友搶到更好的位置及更有把握入波。只要你外圍射得準、入得多，你就係嗰波嘅趨勢啦，因為每個人都要走出外圍mark你嗎！

打籃球講求團隊，要有戰術組織，內外兼備先好玩丫嗎！

2006-12-19 14:07:59 補充：
我試過3on3，做多啲單擋，拉開空位，剷籃得，中距離又射得，打贏3個高佬，仲係一面倒添！

2006-12-23 15:43:52 補充：
hfyeung88 兄講得好！好多人爆籃只為型，同掩飾佢地射波屎。crossgatekong兄，見你咁苦惱，分享多啲比你啦！叫你啲剩識剷籃嘅FD，同啲防守好嘅人打下2on2，等佢地剷極都剷唔入籃，隊友企位又未必易交，佢地就會學吓乜野係合作架啦！而且2on2係訓練give & go 同 pick & roll 的好方法。