鋤D成日被人話我唔識出牌,HELP!

簡單d 黎講吓先, 上家如果話到事, 出到牌, 佢要走牌, 點都會放埋你一齊走, 同樣道理, 下家唔放得~~所以最基本應該係打下放上~~
仲有, 打錢既話最重要唔係自己走, 而係炒人~~
比如話, 你地玩8 隻雙炒, 咁如果你自己手上既牌已經係8 隻以下, 你副牌又無咩機會結, 你就唔應該再掛住走牌, 而且睇下邊家係仲有8 隻以上既, 諗計按佢牌, 令到佢比人炒~~
比如話a,b,c,d 一齊打, a 手上面仲有成十隻, b,c,d 手上都已經少過8 隻, 咁就應該全力圍a, 比如話a 打隻大牌, 跟住b 打雙再大d 既黎按佢, 咁c,d, 就應該pass, 慢慢咁迫走晒a 既大牌, 等a比人炒~~
仲有, 越到後面越唔好打pair 或者五張, 好容易咁就會放走左要炒既人~~ 引用返a,b,c,d 既例子, a 打到咁後面都仲有咁多牌, 咁好正常佢都會估佢有五張或者pair 啦, 啱唔岩?
仲有, 牌既執法有好多種, 要隨時因應形式而"轉章"
而且, 一定要記牌! 即係記得桌面出過d 咩牌, 咁可以助你判斷到對方手上有咩牌, 同埋咩牌可以話事等等~~
以上係鋤d 最基本既入門, 至於跟住點樣發展, 就要睇你自己去領悟同經驗啦~~
得閑可以睇吓人地打, 之後再諗吓點解人地會咁樣打~~
希望可以幫到你啦~~

2006-12-18 16:39:06 補充：
好明白你既心情, 我以前都成日比人咁樣丙, [email protected], 仲有問題可以e mail 黎, 幫到既話會盡力~~

鋤2想勁最重要係玩得多~~
玩玩下你就會feel到應該點出~~
爛牌就要盡快散多d牌(因為你玩錢)
如果唔玩錢就可以等機會~~
因為爛牌都可以贏~~~
有兩個五條而又有一個五條係勁d既就可以等......等人地出晒你先飛勁既出黎...再飛cheap既出黎....
咁可能可能贏到一個出牌既機會~~
冇咩事都唔好頂上家(除非佢淨5隻....2隻....1隻......)
下家就頂死佢(當然唔一定要自己頂....可以激上定頂XD)
盡量講到自己d牌有幾cheap得幾cheap....(不過唔好講大話,因為以後仲要繼續扼佢既!!)
等人地對你掉以輕心~~~
當一個人好囂咁問大晒未既時候....
最好出牌打壓一下佢XD~~
等人地墜晒XD~~
有令牌千萬唔好以為自己贏梗..一樣要好小心咁打~~
忌鋒芒太露(我做唔到lee樣XD)
睇睇漏牌lee方面就要靠你自己玩多d la~~~
得閒可以自己派牌同自己玩~~(唔好上網玩....俾晒提示...又唔係面對面....冇咩技術可言)
可以加快排牌速度,派牌速度,更加明白點出先最好!!!有時d fd玩可以係則邊睇...咁就會學到野ga la(因為我試過俾自己既打牌方法打輸左-0-!!)
千萬唔好聽人講話頂就頂...唔係一定會俾人鬧ga!!!!!!
要靠自己!!!!


好似我咁...我而家17歲....但係已經玩左十幾年鋤2
派一副牌唔洗15秒...排牌五秒內.....
仲有可以做到唔洗諗就出牌~~
希望可以幫到你la~~~
不過其實你自己去感覺下會比講好~~
不過講真...鋤2勁冇咩用既....(雖然我都想佢有用XD)

你唔知道how to play...........