✔ 最佳答案
你可以用雙眼皮膠紙貼o係眼皮o個摺位,當然每一次都要貼同一個位,持之以恆就有機會變成雙眼皮,但唔係一,兩個月既事,
另外雙眼皮膠水亦係另一個辦法,用法係將膠水搽o係眼皮既摺位,其實同膠紙大同少異
而你話整得多眼皮鬆左會變雙眼皮呢,呢個方法其實都得,不過你最好就係順一個方向推,將眼皮既水腫推去太陽穴位,如果你經常咁按摩可以令眼皮冇咁水腫,因為一般單眼皮既人眼皮都會比較腫,但千奇唔好亂咁摔眼,因為年紀大來d你就會形成好多眼紋
痴假睫毛或者電眼睫毛(電睫毛後要經常搽睫毛液固定),其實呢兩個辦法既原理係令睫毛挺d,可以托起眼皮,但呢個方法只係限於你對眼已經開始形成一道好淺既雙眼皮,咩叫好淺既雙眼皮呢,就係你會見到有一條痕,但眼皮又唔係摺起既,有時摔一摔就會變成雙眼皮既時候就可以用呢個方法喇
其實如果你已經去到摔一摔就有雙眼皮(當然好快會還原啦)既時候,好快就唔洗再用膠紙/膠水都可以有自然既雙眼皮ka喇!
我好似你咁大既時候,都係單眼皮,仲係好腫,好單o個隻,但呢幾年就已經變左雙眼皮喇,所以俾心機啦,但一定要有耐心,因為講緊係半年,一年之後先有少少成果ka