忍耐了八年,我好累,想放手.......

知錯不改，你放棄也是應該的

而且咁樣的環境，對你仔女的將來也不是太好，分開可能有更美好的人生呢

若果爭撫養權你仔女一定跟你(除非你冇固定工作)

而且香港有綜緩，單親家庭多數都批，養仔女冇問題

但最重要的是你放得下對他的愛嗎？若果不行，你唯有給予他多一次機會

如果係我
我走左好耐

你有沒有去見社工及帶他去戒賭中心, 結果可以不同. 不過經過調查去有教會背景的戒賭中心成功率較高.

覺得累就要快快放手好了, 為了小朋友就更加要快, 你都唔想小朋友每日都在你們的吵鬧聲中成長, 最好就是可以有家人的支持, 如沒有就搵社工幫手好了.

有冇聽過死性不改,本性難移啊! 其實你應該強硬d再同佢講下呢個問題, 唔好話一走了之又或者一開始同佢講架就係離婚, 咁會搞到大家關係更差, 小朋友都唔會想屋企家嘈屋閉! 係難開口, 但係你都唔會想兩個小朋友有個日日夜夜都得個賭字架老豆, 男人若果仲識顧家的話, 佢會識得回頭是岸, 但係同佢講完佢都係態度照舊的話, 先考慮離婚啦! 係埋一齊係緣份, 當你地結婚果日, 大家都一句"我願意"時, 就係代表一齊開始共患難, 雖然問題而家係出現係佢身上, 但係我唸你都唔想小朋友係冇阿爸架家庭下成長!
我舊時做律師樓架, 日日都同人地離婚, 日日都同d客講埋同一番說話, 日日都見到d人係到哭哂口咁話個另一半點衰點賤(唔係淨係女人哭架,男人都有)! 掉返轉頭唸丫, 結婚結婚, 結完就分, 不如唔好結啦! 可憐係帶埋細路上公司果d, 大有大哭細有細哭, 見到都心痛, 其實有咩野唔可以商量丫, 只不過去到果個moment大家都硬頸唔肯傾啫, 其實真係同你老公講下啦, 若果佢都係咁的話, 你先好同佢講"若果你再係咁,我都唔想小朋友一齊過d咁架日子,若果你再係咁我地不如分開啦", 拿d仔女出來做擋箭牌, 佢可能會識唸呢!

睇下電影(父子), 或者有同感, 如果你自己有經濟能力帶大兩個子女, 不如放手吧, 快去找回你應有的幸福

如果你話佢對家庭有責任心.會照顧家庭嘅話.都仲可以忍.但係咁樣我覺得返而唔好累咗兩個小朋友.應該分開.

為了孩子，唔好一走了之，否則我會覺得好不負責任，孩子是無孤的，與他離婚吧。

其實你可以離佢而去~但你要考慮你既經濟支唔支持到2個小朋友既日後生活~

如果比係我,我已經走左好耐,你最好找社工幫手

當你越大力捉緊,反而會弄死牠,因為牠是一隻蝴蝶,有時輕輕放手未必是一件壞事．．．