家務助理要有乜嘢入職資格

2006-12-18 9:21 pm

作為家務助理人員，唔知有無性別限制呢？又要有乜資格？

我有個朋友，男人，剛過五十，失咗業，打算做保安，見幾份工都未有回音。我見佢在家中搞清潔、做家庭小菜都做得頭頭是道，实在係一個現成家務助理人材，我自己屋企都打算請佢幫手。但如果得我一份，點都唔夠生活，实行打聽一下行程，有無人幫到我呢？唔該！

回答 (1)

知識天使

2006-12-19 10:45 pm

✔ 最佳答案

你可以叫佢去讀由政府資助既家務助理課程,
為期十幾日,有津貼(出席率80%以上).讀完要考試,
pass左有証書.同埋佢地會在考試後3個月內介紹
好多份家務助理既工比佢.就算讀完拎唔到証書都
會介紹工.如果3個月後仍然覺得工作太少,仲可以繼續
打電話去叫佢地介紹工作.

雖然你朋友對於家務上既野足以應付有如,但係我仍然
建議佢讀呢個課程,因為讀既時間短,又有津貼,讀完有人介紹工.
而且考到証書既話,真係有好多人請兼且人工仲高d.

每個區既香港女青年協會or其他機構都會舉辦呢d課程.
你可以上網搵"家務助理課程"或者睇報紙都有登.

祝成功!

參考: 我姨媽都係讀左家務助理課程,依家收入都唔錯(兩份加埋3千幾),而且工作時間短(兩份加埋一星期返4日,每日3個鐘).

👍 0 👎 0