點解租VCD/DVD既舖頭唔犯法既?

當然唔會又比人鬧啦！你問得好好！因為呢條問題應該大部份既人都唔知, 知既都係做呢行既人, 嚴格來說, 現在的租碟鋪係犯法的, 但不是刑事, 而係民事, 點解不合法而又通街都係呢？因為以現時來說, 租碟鋪的存在是發行商所損失最小的一部份, 所以佢地要搞都唔會先搞租碟鋪, 因為租碟鋪都係正版碟, 首先對付當然係盜版啦, 你唔覺得盜版已越來越少嗎？跟住就係BT拉！而家上下載都冇甘猖狂啦！到最後就係租碟鋪啦, 但你唔駛擔心以後冇碟租, 因為發行商係唔會整死d租碟鋪既, 因為有d垃圾電影d人係唔會比幾十蚊買碟睇,只會租, 同埋租碟鋪都係問發行商拿貨, 發行商都係為左賺錢, 所以我估計明年租碟既版權條例會立法, 立法後, 租碟鋪就一定要向發行商拿貨租碟, 不可在外面買碟出租, 向發行商拿貨時需要繳付一筆含出租版權費在內的影片, 可能每套影片多付二三十元不等...因現在未定, 到時租碟鋪就會名正言順成為一些合法出租影視店, 但始終羊毛都會出在羊身上, 到時加價就在所難免啦！