油廁所天花經常脫落

可能廁所濕氣重,而且沖涼的時候又有水氣,所以廁所天花漆油脫落,如真的話就容易解決,開抽氣風扇就得啦!

其實這個機會較低,因你是約二至三個月後漆油就脫落,以我估計應是滲水,你應找出滲水的原因或滲水的源頭, 然後才尋找治理方法.

祗封閉表面, 是治標不治本.水是那裡走來?牆內喉管滲水?外牆爆裂雨水滲入?
首先處理好滲水地方,然後再處理牆身.

方法如下:

1. 鏟走全部舊灰
2. 油稀光油一次
3. 批灰2次
4. 打磨平滑及清理乾淨
5. 油啞白底漆一次
6. 油上面油2-3次便可

註:
稀光油 ----- 一份光油加入1份至份半松節水.
灰 ----- 可用石膏灰,即開即用,非常方便.(如你識自己搓灰就當然最好啦)
啞白底漆比例:70%啞白底漆加入30%白色膠玉磁漆,1份啞白底漆加入30%松節水攪和便可,此比例的啞白底漆是目前最好的,亦有防潮作用,非常合你的須要.

其實做鋁質天花都是一個唔錯的選擇,但問題就未解決,只是睇唔到就當無事,日後可能令滲水情況更加嚴重,自己考慮!

如再有問題或不明白請補充!

舖磁磚或做假天花當然較理想,但做得吾好一樣會脫落,現在問題是點解會脫落?就要從石屎說起,落石屎前木工會先做好模板,扎鐵工扎鐵並用磚仔攝起D鐵使其與模板離約20mm,然後就落石屎.拆掉模板後到泥水工批盪,髹漆工等...每一工序都正確施工的話,就沒有50年不變,至少20年無問題,問題出在那裡?最常見是落石屎時,灌注的衝力,工人的腳踏,震筆的震盪力,在在都使攝起D鐵的磚仔倒下,鐵就直接落到模板面,拆掉模板時不會馬上發覺,因為始終都會有1-2mm槳遮掩住,接著批盪是一層薄灰,又如何抵抗空氣中的水分入侵,更不要說樓上可能滲漏了,日久鋼筋便開始銹漲,你在上面油什麼都會脫落,你要細心視察天花有沒有剝落的狀況,敲擊有沒有空洞的聲音,才決定如何處理.其實我提議你找師傅幫手,自己搞又吾掂又浪費金錢.

你不如做個鋁質假天花啦
$1500左右，以後唔駛煩

因為廁所濕氣重, 而且沖涼的時候又有水氣, 所以治標唔治本, 建議試吓舖瓷磚或者長條鋁天花, 貴就貴咗d, 但係一次過, 唔駛三, 四個月又油一次碼.

我以前個洗手間都係咁樣，而家轉左鋪磁磚係天花度，ok哂！