中國關稅問題

衣物係一定冇問題(只要唔係侵害知識產權既A貨),金銀首飾就好難講(因為金銀係貴重金屬,帶出境同帶錢出境同一個道理,中國海關一定有規限).

如果係一般唔受管制既物品,你只要買既時候,要賣方開出正式發票,如果你冇自己既公司響國內,咁你可以叫國內D貿易公司或者報關行幫你報出口,你自己辦香港既入口報關手續(中國關稅係入口既時候徵既稅,唔係出口既時候徵既稅,所以你無需付關稅,至於香港,除個別物品外,一般物品無需付入口稅).如果你買野既時候,賣方開既係增值稅發票,而你自己又有自己既貿易公司響國內,咁樣,你自己申請出口,仲可以辦出口退稅添(7~13%不等,不過至少要一年半載先退到).

至於金銀首飾,其實你可以同供應商傾,叫供應商辦好出口中國既手續,你響香港收貨.你既供應商可以用保稅形式來料加工生產,咁樣,佢可以慳返進口稅同埋增值稅,你又可以響香港收貨,一家便宜兩家著(其實衣物都得架,只不過如果價值唔高,你要既量唔多,而供應商平時又冇做保稅呢瓣生意既話,佢好可能嫌麻煩,唔同你做).

你想自己帶?想乾手淨腳,叫supplier安排香港交貨啦.