有關panasonic DMC-FX9的問題

你好,首先我自己都係FX-7同9既用家(巧合下人地送左部9俾我)

回答你第一個問題,FX-9佢話有防手震功能,但係只係光學的防手震,
唔係機械的,快門速度只是稍稍調過或計過就算,所以防手震既效果較難見到,
這是因為快門速度慢了(一般去到暗地方就係1/8~1/15),
好多時咁慢既快門,就需要一支腳架去幫我地影,
唔係用咁慢既快門,根本就影唔清楚張相,
所以呢個問題,係佢本身既問題,不能夠排除
但你可以借助
調高ISO值(400)
用光圈f/2.8(姐係唔ZOOM近)
開閃光燈(唔係慢速閃光燈)
黎改善呢個問題,
但用高ISO,好易有NOISE,所以係咪真係要用,要三思啦!

至於第二個問題,你應該係用左慢速快門加閃光黎影既,
當你部機既PICT.ADJ.較到去VIVID,張相就會太黃(都係部機內部既問題)
請調較至NATURAL以改善過黃既問題,
以手震問題,請參閱上述方法

2006-12-18 02:48:21 補充：
當然,用DC影夜晚既相,最好有腳架跟身,因為慢速快門往往使我地不能係夜晚影到清晰既相,而DC多數都不能夠調較快巴速度,所以就要用上腳架!

2006-12-18 22:13:40 補充：
充電個一方面,就唔關你事既,請確定係充電之前,舊電同充電器既接觸點係清潔既,如唔確定,可以乾布抹大約三至四下,再試下訪並電落去充電就行了~~個個充電器當有少少塵埃附著,粒燈就會閃下閃下,代表充唔到電!!

2006-12-19 19:10:53 補充：
但樓下個位人興,你又知唔知道,佢所謂既防手震,係日光下就真係奏效,但係係暗既地方,根本佢只係用電腦計出其數值,而且,我唔知你有無用過部FX-9,我自己都係用FX-9,但係佢會幫你SET左慢速快門係1/8秒,除非係你自己SET左去1秒,唔係部機根本唔會幫你跳去1秒慢速快門咁慢,至於係唔係1/8秒,樓主你只需要係暗既地方試一試,就知係唔係,但請係慢速快門SET左佢個預設值先,我自己試過無數次,你SET去1/8秒快門速度,佢就唔會自動跳到去1秒,除非你用左夜景個MODE影,係正常攝影同微距MODE一定係1/8秒或以上,

2006-12-19 19:14:49 補充：
以下你所提供充電既方法,根本"治標唔治本",你所謂等佢一陣,要係我等一分鐘,定係一小時,定係一日?清潔電池同充電器既接觸端,呢個來得實際同埋有效率,唔洗估估下,唔知幾時叉得~~

2006-12-19 19:25:05 補充：
仲有,你無用過部機就唔好扮用過,係白平衡(WB)方面,佢係開任何mode既閃光燈下,根本佢程式上已自動設定(日光mode除外,其他點set都係變自動)你再點SET佢都係一樣(說明書寫得一清二楚)只有係強制唔閃燈既情況下,先可以係影暗既地方調較到但多數要補光,變左唔可以用到呢一個功能,而要用我以上所提供既方法,功能表中的PICT.ADJ.較到NATURAL以改善過黃既問題

上面果位朋友, 你似乎唔知咩叫做「光學防震」喎, Panasonic 防震相機我都有部, 唔係真係你講到咁無用的.

光學防震並唔係調整快門速度去減輕手震影響 (呢種方法會改變相片光暗度, 根本唔可以直接咁做), 佢係透過 detect 相機震動方向, 再以浮動的機械組件去調整光線的行進路線以減低手震時光線的偏離, 如果唔信可以 click 呢度 睇下 Panasonic 個 Mega O.I.S. 解構圖, 所以我唔明點解上面位朋友會話光學防震唔係用機械方式操作.

我想指出一個重點, 就係任何防震技巧都並非萬能, 市面上不論普通 DC 仔或是專業級攝影器材都有出現過光學防震技術, 但唔通有左佢就真係可以好似林嘉欣係廣告入面咁從飛機跳落來影都唔震?? 無可能啦, 防震技術只能夠作有限度修正, 一般去到 1/3 - 1/20 秒時就會發現到防震既好處喇. 不過影夜景, 大多數情況下需要 1 秒甚至更慢的快門, 係呢種情況下防震補償會無咁有效, 因為快門實在太慢了, 可以發生震動的機會太多太多, 唔好話你用 DC 仔, 我用 EOS 專業相機 + 萬元的防震鏡頭都頂唔住啦, 所以絕對係錯不在相機. 建議你真係搵支腳架用 (市面有好多細小的天線腳都方便攜帶的) 啦.

色水黃, 係因為白平衡 (White Balacne) 設定問題, 夜景時相機的自動白平衡好容易出錯, 建議人手設定為日光 (Daylight) 模式再試試.

充電問題, 我上星期都試過, 唔知係咪太耐無叉電, 不過我無理佢, 過多陣之後就變返正常繼續叉電.

2006-12-20 03:31:07 補充：
FX-9 屬於無手動曝光操控既相機, 佢本身支援快門速度由最快 1/2000 sec 到最慢的 8 sec, 但係要留意, 要使用 1 sec 或更長曝光時間只能於「夜景模式」及「Starry Sky」中使用除夜景模式及 soft skin mode 外, 所有 scene mode 均硬性指定 Auto ISO (Eng Manual p.56-60), 當遇上暗環境時會提高 ISO 值去保持較高快門值. Mega O.I.S. 光學防震根本同呢樣野完全係九唔搭八, 光學防震就的的確確係鏡頭組件幫手做左野, 唔關 Auto ISO 事

2006-12-20 03:43:45 補充：
叉電接觸唔好可以係一個問題, 我只係講出我兩日前既一個少少經驗, 而我自己就用 ext. 叉座去專門叉粒電.充電就算係度擺一晚有咩問題?? Li-Ion 電根本唔會怕長插叉電機White Balance 果度, 開閃燈部相機會 set 死 WB 唔奇喎 (manual P.67 有講, 我都知), 因為要遷就個燈嘛不過發問者係講緊「夜景」, 我用返夜景模式去講返個情況 only如果使用 simple mode, 更加唔駛諗, 咩都 auto, 完全傻瓜補光真係幾大問題架, 而且任何相機使用閃燈都會有呢種問題, 只係程度不同而已

2006-12-20 03:50:17 補充：
關於 1/8 sec - 1 sec 方面, 佢另外有個 Slow Shutter Mode 俾你係非夜景模式時作特別使用.始終慢速快門係好易手震, 防手震技術亦唔係天下無敵, 因此廠商設計到大多數模式最慢 1/8 sec 算係合理的.Panasonic 機 Auto Mode 既 limitation 由我好舊既 FZ-10 開始到而家既機種變化都差唔多係無 (包括 Mega OIS 原理及快門速度範圍限制)

2006-12-20 03:51:00 補充：
下面呢個都算幾權威的 website 在多種測試中都有指出不同 limitations 的影響, 希望樓主可以消除一下疑慮:http://www.dpreview.com/reviews/panasonicfx9/