油ICI謢牆漆定貼牆紙好?

我對你的裝修師父所講的話有所疑問,佢話因為屋企的牆身的石屎底已收乾水,所以如果油ICI一定會出現裂紋,咁請問點解批盪後正常要等約40日收水期先可以批灰,否則一定會出現裂紋.牆身有較早前貼牆紙的膠水?有什麼問題,無論你是油漆定貼牆紙都要油光油及批灰,所以跟本不是問題,我想你都係找多幾個裝修師父問問及格價好D.

報價時,裝修師父都話要鏟底批灰再做貼牆紙或做油漆,除非你睇實佢做,否則一般裝修師父做法是鏟除牆紙油光油批灰再貼牆紙或做油漆.

其實油漆定貼牆紙價錢唔會相差太遠,本人就覺得牆紙無咁好,因紙底容易脫落,部分不能用水清潔,闊度短,駁位相對多,紙邊容易變黃及變曲,牆紙你用了幾年就要鏟底再重新做.但油漆就唔同,因顏色多容易配親,用舊了只要翻油就可以,不用鏟底再重新做.

油漆是一門易學難精的技術,裝修師父的技術是佔工程的7成-8成,你應找一些技術好裝修師父為主,每隻漆油都有不同的特性,必須適當使用才能發揮最大的功效,如我個人就會用巴馬士的.

ICI 內有好多個品牌, 但水貨多,巴馬士的沒有水貨,但比較貴,日本漆原廠日本制做較好,市面多數是本地或大陸制做.

如利登 ----- 價錢平,質素好,但少顏色選擇.
多樂士 ----- 價錢中,質素好,顏色多選擇.
護牆漆 ----- 價錢中上,質素好,顏色多選擇,施工較繁,合理做價應該高些.
麗明珠 ----- 價錢高,質素好,顏色多選擇,施工極繁,冇人鍾意做.
巴馬士的 ----- 價錢高,質素好,顏色多選擇及色彩較鮮艷,最大缺點是貴.
日本漆 ----- 價錢高,質素好,防水較好,但太結會髹時掃痕粗.
菊花牌 ----- 價錢中下,質素好,顏色多選擇,施工容易,是平價漆油中最好.

以上資料應可幫到你,如再有問題請補充.

2006-12-21 15:45:17 補充：
已寄信給你

雖然分享的知識不錯，但自問自答是對大家不公平。\_/

道理好簡單，原牆紙底小小執灰就可以裱貼牆紙，省好多工夫又省時間。小單位一個人最多四個工作天就可以裱貼完成。如果油ICI乳膠漆，重新做底批灰，18年樓應不會出現裂紋現象。致於價錢方面，看你選擇的牆紙價錢平或貴。如果選擇大眾化的牆紙，當然重新做底批灰油漆的價錢貴了，因為工人薪金貴。