幼犬什養?

幼犬

幼犬未能完全適應新環境前會不時哭啼、吠叫和亂竄亂抓，所以最初的一段時間不應把它獨留家中太久，然後每天離開牠三、四個小時，繼而五、六個小時，循序漸進地讓牠習慣獨處。在狗兒獨處初期，可放點輕音樂和收音機給牠聽以減少牠的寂寞感。


幼犬比成犬需要多一倍的卡路里，皆因幼犬的成長速度極快，第一年就相當於人類的十八歲了。但幼犬的消化力卻不及成犬好，所以要以少食多餐的方法來餵飼幼犬。而小型犬相對地又比大型犬需要更多的卡路里，小型犬每一公斤體重所需的卡路里是大型犬每一公斤體重所需的兩倍。剛出生至三星期以下可用狗奶粉餵牠，由每天八次至後期減至四次。四星期後的幼犬開始長出乳齒，可以吃斷奶食物，可用狗奶粉浸泡乾狗糧使之成為糊狀，每日四次至三個月，之後可減至每天三次至六個月。而狗糧中的狗奶粉份量亦可逐步減少(不需要再浸軟)，由軟的罐頭狗糧慢慢改成硬的乾狗糧，以便鍛練幼犬的牙齒。大型犬如狼狗、洛威拿及都柏文的幼犬，除一般的幼犬食物外，也要補充鈣片或鈣漿，同時給牠們一根牛骨以加強牙力與下顎的鍛練。

－－－－－－－－－－－－－－－－－－－－－－－－－－－－－
　訓練規矩、大小二便及聽口令等都應在幼犬期開始，成犬後就徒勞無功了。另外在六至八星期大時，主人也要帶牠接受防疫注射，並在十二星期大時再進行注射以預防常見的傳染病。

－－－－－－－－－－－－－－－－－－－－－－－－－－－－－
市面販賣的狗糧大致可分三大類---
含水份10%的乾狗糧

20~30%的半濕型狗糧

全濕(60~78%水份)的罐頭狗糧。

乾狗糧營養成份最均衡、耐保存且經濟實惠，又可鍛練犬隻的牙力與顎骨，所以亦廣受大部份狗主的歡迎。半濕型的狗糧軟身易進食，營養成份也與乾狗糧相若，但價錢則貴多了。但含較多的水份，相對卡路里就較低，要幫愛犬減肥的話可選擇此種狗糧。罐頭狗糧有生吃的感覺，所以普遍是狗隻最喜歡的。但缺點是營養較差，價錢又是最貴的，而開罐後容易變壞，必須在一兩天之內吃完。
－－－－－－－－－－－－－－－－－－－－－－－－－－－－－
基本用品
狗屋
養在屋外的狗均需要狗屋，狗屋的大小要顧慮到長大後的成犬也有足夠的空間，即是狗頭能伸進去且整個身體能自由地橫躺在內。而室內犬也一樣要有休息的場所，狗床或狗籠亦可，最重要是讓狗隻懂得區別主人和自己睡覺的地方。把狗屋放置在冬暖夏涼、有日光、通風良好且濕氣少的地方。

廁所
不一定要買市面豪華型的狗廁所，在廚房或廁所的一角墊上好幾重的報紙充當狗廁所亦可。狗廁所要放置在人流少和安靜的地方，好讓狗隻不受騷擾地方便。只是一旦決定了地點就不要隨便改變。

食器
原料有多種，但以平底和有重量的為合，可避免狗隻在進食時弄翻食物。放置的地方應盡量遠離家中的飯枱，以防人吃的食物吸引了狗的注意。


其他用品
頸圈、狗繩(拉狗散步用的)、狗毛梳、毛刷等各式各樣用品，在選購時都要向寵物店詢問清楚，以求能買到最適合家中愛犬的用品。

梳洗工具
如果你已決定你會花時間親自為你的愛犬做梳洗整理的工作，建議你一定要為愛犬準備一套專屬的工具，現在專為狗設計的工具品質非常的好，並且價格也不貴。長毛狗與短毛狗的工具有些差異，因此選購時務必詢問清楚。
－－－－－－－－－－－－－－－－－－－－－－－－－－－－－
四季的主意事項
春天
狗在冬天時為了預寒會長出很濃密的下毛，到了春天時就開始脫落，脫下的毛是死毛，一定要用疏口的梳將之清理乾淨，否則到了潮濕的梅雨季節，殘留在狗身上的死毛就會成為皮膚病的誘因。另外春天是萬物生機勃發的季節，狗也會變得活躍而食慾大增，注意狗隻的飲食以防牠消化不良。潮濕的春天也容易患上傳染病，所以每年一次的瘋狗症預防注射也是在這季節舉行，狗主別忘記帶愛犬去打針。

夏天
因為狗的汗線只在腿內側，所以夏天是狗隻最痛苦的季節。屋外的狗屋要移去陰涼處，室內犬的話要避免屋內過強或過長的冷氣，否則一出一入的溫差容易令狗隻不適。而狗隻的外出散步最好選擇早上和日落較陰涼的時間。夏天的疾病媒體是蚊和蚤，不忘在狗屋周圍噴些殺蟲劑或點狗用蚊香。而幫狗洗澡的次數也要略為增加。

秋天
狗在夏天因暑熱所消耗的體力都會在秋天補足過來，而且為了過度即將來臨的冬天，狗的食慾會變得旺盛，所以為免愛犬在這季節暴肥，就要給牠高蛋白質低脂肪的膳食了。因夏天暴晒而失去光澤的披毛，為了使之回復光澤，另外也為了促進預寒的下毛長成，狗主在這時期便要替愛犬勤加梳毛了。

冬天
雖說狗是耐寒的動物，但屋外的狗屋也要移去風雨吹不到的地方並墊上毛布預寒。養在室內的犬隻，若是幼犬的話，最好也開啟暖氣，但注意成犬和長毛犬一受暖氣反而會消耗體力。即使多冷也要維持狗隻每天的散步。食物方面可稍為增加脂肪的比例以作為狗隻冬天的能量來源。

可以餵烚肉及白飯, 但一定唔可以落油及鹽, 另外人食既餸都唔好比, 生果就少少好喇!

佢咁細個唔洗帶出街便便架, 一黎細菌多, 二黎污糟呀, d虫最鍾意咬bb犬

每日要用熱毛巾幫佢抹身及手腳, 兩個半月大無病無痛可以沖涼架, 但一定要快洗快乾, 第一時間吹乾淨佢個肚腩仔, 一係去d無菌petshop沖涼, 我就會帶佢去qpet及紅蘿白, 因為如果係bb犬, 會第一時間幫你沖完即刻比返黎, 唔會放係到等架! 佢都驚bb病嘛, 其他petshop就唔好去喇

其實狗糧已經好夠佢日常所需既營養
只要係for puppy既狗糧就ok架啦~~
另外,你隻狗打晒針未?(防疫針,3支),要打晒3支之後等一個星期先出得街同沖涼架~~
你個隻狗有幾大??同埋你係邊買?因為香港其實有好多黑店....所以要小心d
你而家一定要比衫佢著,因為puppy始終唔太夠抵抗力~出街都係遲少少先...
我屋企個隻(11個月既臘腸)唔著衫會震滕滕~.~
花園行中間個度好平咋,35蚊件,60蚊2件,都ok
另外,如果佢真係好凍..你可以用條毛巾,包住個人用既暖水袋..
佢地好鍾意架~~~如果佢地熱,會訓第2度架~
你可以試下..不過記得用毛巾包住...我驚太熱..

防疫針三支 (三個月大開始，每月打一支，共三支) (之後一年再打多支,再之後3年先一
支<<有醫學報告已經講左唔洗年年打..)$150~250/支(可以周圍打去問下D獸醫幾錢)
可以預防狗瘟熱,肝炎,腸炎,副流行性感冒,鉤端螺旋體等等(張針咭寫)

你而家比緊邊隻糧佢食??
(唔建議獸醫個度有得賣個幾隻,所以睇獸醫唔好買佢d糧,除非佢要食醫生處方個d啦)
我個隻食canidae,呢隻係天然糧,幾好架~~~~~!!!
((之前我隻狗食pro-plan,d屎勁臭,個d係商業狗糧,入面好多副產品,動物屍體咁架...))
(Hills) Science Diet , Eagle Pack, Eukanuba, Mini Chunks,Pro Plan, Diamond,Optima,Purina, Royal Canie, Pal 寶路, 西莎等等全是商業狗糧!!!有大量防腐劑,調味料,染色素,所用的肉類更非人類食用級數,更極有可能選用4D 動物屍體肉質,毛髮,指甲,內臟作配方..

除左打3支防疫針之外,仲要食埋杜蟲藥同埋心絲蟲藥架~~!!
6個月以下既bb狗就一個月一次杜蟲,6個月之後就每3個月一次
有隻叫汽巴既杜蟲藥,好多人都話好架~~
但我慣左去獸醫度配,廿蚊粒..照重量計

同埋每個月要食一次心絲虫藥架
((((5個月以上一定要食心蟲藥(每個月),如狗仔超過5個月大而未食過心絲蟲藥就建議去獸醫度驗左有無心絲蟲先....如果唔係會有事架))))狗仔4個月開始食最理想~
2種唔同架,杜虫係杜佢肚入面d虫
而心絲虫藥係透過蚊個d傳播架,係預防藥
如果唔預防到有事既時候可能會救唔番架~~!!!~~

另外一提,防心絲虫係有2種方法,一個係打針(一年一次ok).一個係食藥(一個月一次)
但係建議唔好打針(但好多醫生都提議打針)打針係有風險架,對佢無咁好~~
我聽過d人講呢...因為d獸醫想去貨,所以會建議你打針架,但要記得講"no"呀!!
要食藥!!...我寧願個個月餵佢食...同埋要準時食,係定左個日,就個個月都個日~~
(佢地好鍾意食,個樣好似d牛肉粒咁,就咁比佢就食左..仲想食得幾粒~.~但一個月一粒..)

同埋最好最好打埋瘋狗針同拎埋晶片(呢個可以遲d去狗房打,80蚊包晒瘋狗針同晶片)
但係有d人就建議去獸醫,因為手勢好d...但貴d..我個時帶狗狗去打,要250...
瘋狗針係5個月大就可以接受注射,之後每3年一支
(最好連埋晶片一齊拎,公屋都拎得架)

至於沖涼呢....頭幾次你試下慢慢黎....因為唔好嚇親佢第時驚左唔肯沖..
初頭開花灑D聲比佢聽下先
之後(有D花灑有得較壓力既大細..你較到最細)個花灑頭貼住佢個身黎淋..
如果佢真係咁驚,你就用手濕水慢慢整濕佢個身
之後沖涼...沖完比d佢鍾意既野食佢食...試多幾次應該ok~
(記得沖完用風筒距離30cm左右,左右不停搖擺住咁吹最好...因為太近太熱好易燙傷..)
但係而家咁凍就唔建議沖住啦....驚凍親佢..
你而家驚佢污jo都可以試下市面上個D乾洗劑比佢試下先~~~
第時沖涼...我自己個隻(短毛)大約2星期先沖一次>夏天
冬天就差不多一個月先一次
如果長毛,可以最多一星期一次好啦...(夏天)
因為狗狗唔好成日沖..佢地既皮膚組織係同人唔同架,所以唔好好似人咁日日沖..
而冬天就3個星期左右至1個月都差唔多..
不過長毛就要成日同佢梳毛....


希望幫到你...
((ps,可唔可以提供埋咩品種,幾多個月大,打左幾多支針,同埋係邊買...等等呢d資料比我
我想睇下就住你d資料教你^^....因為我都好辛苦先養到我隻狗狗11個月..
因為佢細細個就有狗瘟...><所以想就我自己所知既知識教你..))

唔好俾其他野佢食
ｏｎｌｙ狗糧和水
ｗｉｎｔｅｒ俾多小小佢食，係小小


三個月大ｓｉｎ好清潔身體
I have the same experience.
my dog sick because 清潔身體in2個月大

我home都係養北京,,

比佢d雞肉好啦!
而雞肉就要煮前去皮.然後清蒸

其他既野..等佢大個d先

你而家唔洗同佢沖身住,,, 因為會凍親佢,
加上你又唔帶佢出街 1個月1次什至隔耐d都唔會有問題。

一星期-10日