好驚同女朋友會散,,!!help~

你先唔好咁緊張~

可以維持到六個月都依然咁恩愛係一件好事，但係若然想時時刻刻都一樣係冇可能既。

始終大家都會有衝突，即使係身邊朋友都會有，更何況係日夕相對既伴侶呢?

聽你所講，你地既爭執決不止一兩次。過去既爭執你地係點樣面對既呢?點解最後依然會甜甜蜜蜜呢? 總會有原因既~

既然你同你女朋友一齊已經有6個月既時間，理應認識對方，亦都知道大家既優點缺點。

若然你真係怕你女朋友會因為爭執而離開你，你要學識幾件事：
＊面對兩人之間既問題　－逃避同藉口只會惡化問題
＊盡量理性地解決問題　－感情事的確好難理智，但係要盡量令自己冷靜地思考
＊包容伴侶既任性　　　－唔係縱容，只係因為女仔始終要人錫要人哄

ps 其實，你同女朋友一齊係因為鍾意大家一齊既感覺，否則早就分開左。
　如果你需要去怕你女朋友離開你，甚至乎只係因為好小既事情而去怕既話，你既女朋友並不適合你，因為佢不能夠俾你安全感。始終有一日你會想放開。

em...鬧交個陣我都會咁諗,我有次仲會同佢講,我覺得講開o左,咁你地唔會成日鬧交囉,而且自己都會覺得舒服d架!!

我同我男朋友一齊都有一年零七個月喇！你係咪覺得初初喺埋一齊熱戀嘅情懷開始散去呢！唔駛擔心喎，係正常…
雖然我同我男朋友一齊嘅時間話長唔長，話短唔短，但係我哋係真心相愛！宜家好多後生仔都係玩玩吓咁，就好似我細佬咁，亂咁識人，連人哋姓咩都唔知見到人哋靚就話鍾意人…你咁愛你女朋友真係好難得呀！
我男朋友係我嘅初戀，其實係女仔都會想同自己嘅情人一生一世，你唔好畀咁大壓力自己，亦都唔好畀咁大壓力佢。
我男朋友名言：過好每一日先^^
得閒畀啲驚喜佢啦，送花->一枝就夠了，女人鍾意驚喜但好現實… =="
希望你哋(同埋我哋都)能夠白頭到老啦！

2006-12-17 14:22:47 補充：
哈哈，鬧交就實有啦。就正正因為你哋緊張有乎對方嘛~你會唔會見佢同街邊嗰個阿伯嗌交？有時呢啲就係生活情趣嚟，回想起你，呢啲就係你哋一齊嘅証據喇。要同甘共苦先至係你哋一齊嘅真正意義。

我覺得你應該避免同女朋友嗌交既機會,
遇到問題既時候應該平心靜氣了解嗌交
既原因,如果唔係就好易發生口角!
記住有咩問題都要向正面既方向諗,
唔好諗[如果散左咪唔洗煩lo!!]e d悔氣
既諗法,唔係既話只會兩敗俱傷!!
同埋拍拖係應該開開心心,
如果你成日都擔心分手,
你咁樣又點會開心呢?
緣來緣去, 緣份要黎就自然會黎,
走既始終都會走-
順其自然na! =]
希望我幫到你na :)

要有一個信念--鬧交點鬧都好, 唔好講/提分手! 最好唔好諗!

其實唔洗驚,會唔會散都係你自己唸出黎,所以先驚,你唔好亂唸野啦..嘗試下放鬆自己,如果一嘈交嘗試下唔好衝動,用平靜ge心情黎解決問題。

你盡量遷就她眯得囉,要避免同她鬧交

盡量唔好同佢鬧交!

其實我覺得大家同大家之間要彼此有信心,,