Relative isotopic mass 跟 relative atomic mass有什麼分別?

relative isotopic mass 係指每一種 isotope o既相對質量，而呢個relative mass，就當成係o個隻同位素o既 mass number (即 proton no. + neutron no.)
舉例黎講，carbon 有三種同位素，分別係 C-12、C-13 同埋 C-14，佢地o既質量數---12、13 同埋 14 就係分別三隻同位素o既 relative isotopic mass。

至於 relative atomic mass，就係所有 isotope o既 relative isotopic mass o既平均數。因為每種元素都會有同位素，而佢地都會o係一個元素樣本中佔有一定百分比。為o左方便化學家研究，就會將所有同位素o既 isotopic mass 化成一個平均數---即 relative atomic mass，以方便做計算。
用番 carbon 做例啦，一個 carbon 樣本中都會有大約 99% 係 C-12，另外大約 1% 係 C-13，另外極少量係 C-14。如果o係計算量學時，只用佔大部分o個個 isotopic mass 去做標準計數並唔太準確，為要準確，就要計平均數喇。
方法係將 d 同位素o既 isotopic mass 乘番佢自己個 abundance，再加晒佢，所得出o既質量平均數就係相對原子質量 (relative atomic mass)
用碳去計：12 x 99% + 13 x 1% (因為 C-14 太少，可當佢冇) = 12.01
所以，C o既 relative atomic mass 就係 12.01