點織一高一低針頸巾..幫幫忙!!吾該

拿..首先你起左一行針啦，第二行就開始織一針高一針底，咁當你第二行最尾果針係底，當你再織第三行果陣既第一針就係織高針喇!其實低針反轉睇就係高，高針反轉睇就係低，所以你最尾果針係低，再織下一行就織高，如果最尾果針係高，咁下一行第一針就織低。

其實起幾多針真係好難講咖，因為唔知你鐘意點用。有d人鐘意疊住用，有d人唔鐘意。你預織出泥既闊度同起針果行差1-2cm啦，因為起針果行通常都窄d。

另外，其實通常第一針都唔織咖，咁樣織出泥就會有條邊，靚d。方法係:最尾果針唔理佢係應該織高定低都織低，例如尾二果針係低，最尾果針都係織低。到織下一行既時侯，第一針唔織，將條冷放起支針上面，然後勾第一針過去，跟住先再織。

2006-12-20 00:15:40 補充：
收針仲易!!每針都織，全部織低針。拿，咁你織左第一針，再織第二針，然後用左手果支針勾番第一針出泥，唔係勾去左手面支針喎，係就咁勾佢出泥放左佢，咁就ok咖喇!一路織一針就收前一針，到最尾你會發現得番一針，咁你就cut斷條冷，然後右手面即係仲有一針果支針向上一扯，直到成條冷過左果針，咁就索實左咖喇。唔明再問=)

http://knittingclub.yokolab.com/elesson/eindex.html