做擔保人保釋犯罪案件,如不夠錢支付保釋金, 怎算?--非常心急

擔保分現金同人事兩種. 現金擔保係由家人或朋友拿現錢到法庭 / 警署, 將錢放在法庭 / 警署, 換走個疑犯. 如個疑犯走佬, d擔保金會被充公. 人事擔保係由家人或朋友親身到法庭簽名承諾 (並唔需要即俾現金), 保証個疑犯唔會走佬. 如果個疑犯走佬, 咁擔保個人會被罰繳交佢所承諾的擔保金.
照你咁講,你朋友應係做佢哥哥的人事擔保人.而家佢哥哥走佬,法庭會要求個人事擔保人在特定期內(通常21日)將佢所承諾的擔保金交到法庭. 不夠錢付擔保金屬民事錢債case, 唔使坐監的. 如果你朋友不夠錢付擔保金, 一定要同法庭講. 法官可因應不同情況, 酌情俾你朋友多d時間去籌錢, 甚至分期. 如果最後真係無得還, 咁政府可有權申請你朋友破產.但照我所知, 香港從來有人試過不夠錢付擔保金而被政府申請破產.
請注意: 如果你朋友對法庭要求不聞不問, 唔作出回應, 咁會被判蔑視法庭. 係刑事罪.最高可被判入獄14天.

首先要清楚一樣野，現金擔保係有錢俾先可以放人，你冇錢俾差人又點會信你，所以我唔明你話簽時有，後來輸股票所以冇錢俾，好簡單一個道理，簽保就等於一手交錢一手交貨呢個意思，咁你朋友都走埋佬啦，即係俾左架保金會沒收，其實差人俾得你保釋，佢犯架案都未必咁嚴重，個刑罰都唔會好重，但係佢而家棄保走佬架話，會加多條罪架，你不會叫你朋友叫佢阿哥自首吧啦，到時佢俾差人捉到果時咪仲煩．．．唔哂坐牢都變左要啊可能