✔ 最佳答案
我自己睇開有一個女醫生幾好,佢叫「寸麗娃」,不過佢祇係逢星期一至五、下午5點至8點先應診,有時呢個應診時段都會休息;呢間診所上晝都有得睇,不過係男醫生o黎o既。
佢係屬於普通科醫生,唔係婦科,但係妳睇女性疾病都冇問題;佢好好人,好有耐性聽妳講病情,唔會滾水漉腳咁 (就算傷風感冒都好詳細)。
收費同其他診所都差唔多,150元兩日普通藥,打針同特效藥另計;但係俾錢果陣妳要預200至300元左右,因為可能有D藥可能較貴需要加錢,依家間間診所都係咁計o架喇。
佢o既診所資料如下~
名稱︰盈康醫務中心
地址︰屯門石排頭路11號康德花園地舖10號A (大興村對面)
電話︰2430 2778, 2430 2886 (去睇之前最好打個電話問o下先)
2006-12-19 08:45:25 補充:
唔好意思,依家先答妳。屯門我淨係睇呢個女醫生,不過我琴日行過望o下個時間表,見佢禮拜六上晝9至1時都係女醫生睇,如果妳淨係禮拜六先得閒,咁咪禮拜六行去睇o下o羅,記得首先打個電話問o下姑娘。間診所係睇普通科,男女醫生都係睇普通科,有需要佢o地會寫信轉介妳去睇專科。不過,身體有唔舒服,都係儘快去睇好D。
2006-12-19 09:31:47 補充:
睇男醫生都冇問題,祇不覺如果佢要幫妳檢查o既時候,妳會有D尷尬咁解o者。