在廣州兩日一夜，有咩好玩？

機場路出去市中心系会有少少远，TAXI￥30--40，上下九路&北京路无咩特别野买，行吓都OK，至于天河區就以名店为主咯，同中华广场差吾多。
惡魚公園我未去过SORRY！
書城在天河区，无24小时。
讲到食，我就大把介绍啦：（TAXI去就最方便啦）
1。新兴饭店
吃羊的，蔡澜&滔滔都去架。若你不抗拒甚至喜欢吃羊，甘就一定要去，吾会好“苏”架，我的推介是烤羊腿（￥5~￥10，视乎大细只）&羊奶挞（￥28一打，超正，我每次可食半打，若你不怕“苏苏”地，值得一试），羊奶豆腐都吾错（￥13一位）。如果你人多，可以试下烤全羊，原只上台，之后再帮你切皮拆骨（￥480一只，要预定），但叫左只羊就试吾倒其它啦，视乎你地是否大食咯，其实只是BB羊，SIZE大概同8哥狗差吾多（无甘肥）。一定要BOOK位，咪2个钟都未入倒去，TEL：020--84414338
地址：海珠区 前进路 92号
2。越茗苑
越南菜，味道一流，绝不比HK差，又大件夹抵食。推介：咖哩炒蟹（￥78两只）、杂菌玉子豆腐（蔬菜类，好似￥23），同样要BOOK位。TEL：020--83189715
详细地址最好致电查询，大概在惠福东路，北京路附近。
3。陶陶居
广州老字号酒家。流沙奶皇包超正（我经常打包番HK做手信，在卖饼部，￥9一盒，半打，但要摆入雪柜），茶市的点心大同小异啦，饭市的烧鹅几出名架，电话地址可致电020--114查询，上下九附近
4。广州酒家
文昌鸡出名，打020--114查询
5。流花粥城
粥火锅，几特别架，粥底任加（￥5位），随你喜好另外叫材料，价钱不等。若嫌麻烦可ORDER一锅，好似几十蚊，艇仔粥最好味，小炒都吾错，椒鹽鴨舌好味。020--114查询。大概在人民北路。
6。上下九有间叫“荔湾名食家”，D双皮奶&姜汁撞奶好正，只售￥5/碗。比义顺二十几蚊果D正好多架！
7。文昌南路有间“巧美面馆”，（020--81710831）D五宝云吞好正，所谓五宝即：鲍鱼、摇柱、蟹子、（仲有2款吾记得）。但在广州来讲就贵左D咯，而且份量好少（一碗吾多够饱）。但都几特别。


希望帮到你啦 ：）
以上地点一般的士司机都识去，但有部分吾识听广州话就麻烦D，SO MARK 低晒D地址最稳阵，TAXI￥7起表，通常每程都是十几~~3、4十左右，最好自备散紙，免得找回假幣。

PS 114是广州的人工电话查询台，你可查询各大食店及景点的电话，然后再致电去查询地址
广州的士分几种颜色(公司吾同)，搭黄色最稳阵，全部广州人揸，沟通绝对无问题，况且一定熟路，其次系蓝色，红色都勉强OK，但绿色就可免则免，听说经常找假币。
一般 5：30~6：30PM 都好难截车，因为的士交班及放工时间，呢段时间就不要太简择啦，唯有自己小心D啦。

2006-12-16 13:05:46 補充：
一场上到去又何必去酒店食饭呢？正所谓食在广州，应该试D特色野嘛！

(1) 北京路步行街

廣州o既北京路步行街係本地人或遊客必到之地,裡面店舖繁多,仲有購物商場,係一個shopping o既好去處...
另外..北京路步行街有很多食肆,除左有好多"名牌"食店如"老麥",pizza hut等,仲有好多小食店,其中一間買蘿蔔牛什o既舖頭值得一試...

交通 : 地鐵 一、二號線交界 "公園前"站下車

(2) 天河城/宏城廣場 and 正佳廣場

三個相鄰o既大型綜合性商場, 其中正佳廣場更是仕亞洲最大o既商場,鍾意shopping o既唔可以錯過啊....另外在天河城對面的一個小區內,有好多小型o既 boutique, 仲有好多非常之有情調o既coffe shop, 大家shopping完,"支力""支力"地,搵間coffee shop嘆杯咖啡,休息下,唔錯架....到左夜晚,o係天河區食晚飯都唔係問題,因為天河區有有好多唔同o既選擇,湘菜,麻辣鍋,蒸飯,樣樣都有...任君選擇

交通 : 地鐵 一號線 "體育西站"
上面提到o係天河o既小區叫"六運小區"..

o係天河城附近
建議唔好去上下九, 我d堂妹話上下九好污糟,好雜.

夜晚可以去長堤行下,d景色唔錯...不過如果同男/女朋友去要小心,會有好多細路仔/女向人賣花,仲會攬住你隻腳唔放,要小心...

2006-12-16 11:44:32 補充：
廣州一定得去的是第十甫路和上下九路所構成的五里洋場這是清末五口通商以來所構成的歐風洋場其中不可錯過第十甫路的陶陶居這是全世界廣式飲茶的祖師爺門口的招牌可是由康有為所提的字陶陶居對面的蓮香樓有廣州最著名的廣式月餅是最適合帶回分贈親友的伴手禮還有幾個景點不錯，但強烈建議不要在夏天去，比台灣熱。

2006-12-16 11:44:39 補充：
白雲山－可坐覽車，可看夜景海珠廣場附近也可以逛珠江夜遊－夜景很漂亮至於桑拿－有一家叫頤和堂的，是和中醫結合，費用也低，只不是詳細地點忘了，在靠近白雲區附近的三元里。也可以去廣州動物園，位於先烈路，由火車站乘33路公共汽車可達，園內面積33萬平方米，飼養了動物二百多種，包括罕見之大熊貓及金絲猴等。二天，如果行程快的，應該都可以去晒上面的地方。

廣州落bar，首選白鵝潭風情酒吧街。
地鐵1號線芳村站，下車後沿指示牌步行，穿過芳村夜市就到(10分鐘內)。
由海珠廣場或花園酒店打的，分別要12元及20元。
在白天鵝酒店側，有小輪前往(往芳村小輪)，$0.50，下船碼頭就到。
酒吧街有十多間在珠江河一帶，在河邊及碼頭一帶欣賞白鵝潭及珠江夜景，飲下酒，消費又不貴，可考慮。
此外，在海珠廣場一帶，由天字碼頭至人民橋之河邊，都有很多有特色之酒吧，消費比白鵝潭貴少少，但較有異國風情。